Bi idiaya ku rejîma Sûrî êrîşî karwaneke wan kiriye, dewleta Tirk weke bersiv 54 deverên rejîmê li Idlibê kirin armanc.
Der barê wê de, Erdogan gefa zêdekirina êrîşan li rejîmê xwar û ji Rûsya re got tu xwe bide aliyekî.
Lê Rûsya ew derewand û got ti êrîş pêk nehatine û ti leşkerên Tirkiyê nehatine kuştin.
Li aliyekî din rejîma Sûrî pêşdeçûnên xwe li Idlibê dewam dike û tenê 8 KM mane ku derbasî bajarê Idlibê bibe.
Dewleta Tirk bi idiayên ku rejîma Sûrî êrîşî hêzên wan ên li Idlibê kiriye, îro êrîşine giran bir ser nuqteyên rejîmê.
Wezareta Parastinê ya Tirkiyê idia kir ku hêzên wan li Idlibê rastî êrîşeke rejîmê hatiye û idîa kir ku di nav de 3 sivîl, 8 leşkerên wan hatine kuştin.
Piştî vê daxuyaniyê, Serokkomarê Tirkiyê Erdogan dîsa zimanê gefxwarinê li dijî rejîma Sûrî bi kar anî.
ERDOGAN:
ME 40 DEVERÊN REJÎMÊ LI IDLIBÊ KIRIN ARMANC
Erdogan soza berdewamkirina operasyonên xwe yên leşkerî li Sûriyê da û got:
Erdogan: Me 40 deverên rejîmê bi balafirên F-16 kirin armanc.
“Weke bersiv, me 40 deverên rejîmê bi balafirên F-16 kirin armanc û êrîşên me wê berdewam bin”.
ERDOGAN JI RÛSYAYÊ RE:
EM NE BI WE RE, BI REJÎMÊ RE DANÛSTANDINAN DIGIRIN DEST
Wezareta Parastinê ya dewleta Tirk jî bi daxuyaniyekê idîa kir ku wan 54 deverên rejîmê kirine armanc û 76 leşkerên rejîmê hatin kuştin.
Lê Çavdêriya Sûrî got tenê 8 leşker hatine kuştin û 20 jî birîndar bûne.
Çavdêriya Sûrî: Tenê 8 leşkerên rejîmê hatin kuştin.
Erdogan berê xwe da Rûsyayê jî û got:
Em ne bi we re danûstandinê dikin, lê belê em rejîmê digirin û hevahingiya me li gel Rûsyayê heye.
Erdogan: Serbazên me bi Rûsan re hevahengiyê dikin.
RÛSYA ERDOGAN DEREWAND:
WE TI ÊRÎŞ LI ASMANÊ IDLIBÊ PÊK NEANÎNE Û TI LEŞKERÊN TIRKIYÊ NEHATINE KUŞTIN
Rûsya: Erdogan me agahdar nekiriye û ti êrîş pêk neanîne.
Lê Rûsya Erdogan li derewê qeliband ku ti balafirên Tirkiyê derbasî asmanê Idlibê nebûne.
Rûsya destnîşan kir ku ji ber tevgera Tirkiyê ya bê hevahingiya bi wan re li rojavayê Seraqibê, hêzên Tirkiyê bûn hedefa rejîmê û di êrîşê de tenê hin leşkerên Tirkiyê birîndar bûn.
Îran: Ji mafên rejîmê ye, bersiva êrîşên li ser erda xwe ya dagirkerî bide.
Ji aliyê xwe ve, Îranê got ji mafê rejîmê ye ku êrîşên dagirkeriyê li ser erda xwe asteng bike.
Piştî hemû daxuyaniyên navborî yên binakok, wezîrê derve yê Rûsyayê têkildarî mijarê bi hempîşeyê xwe yê Tirk re bi riya pêwendiyeke telefonê axivî.
Tevî ku beriya niha Erdogan tekez kiribû ku tiştekî bi navê lihevkirinê Astana û Sûtcihê nemaye, aliyên navborî li ser hevpeymana Sûtchiyê tekez kir.
Di vê derbarê de rejîmê pêşdeçûnên xwe li ser erdê jî dewam dike.
ŞERÊ LI IDLIBÊ
ÇAVDÊRIYA SÛRÎ: NAVBERA REJÎM Û IDLIBÊ DE TENÊ 8 KM MANE
Çavdêriya Sûrî ragihand ku Rêjîma Sûrî rêya M4 a di navbera Heleb û Ladiqiyê de qût kirin û bi vê yekê jî 8 KM nêzî Idlibê bû.
Tê zanîn ku niha rejîm ber bi Seraqiba Idlibê ve bi pêş dikeve û çend nuqteyên Tirkiyê xistine dorpêçê.
Li gorî çavdêran, leşkerên Tirk ne li Idlibê, lê belê li Efrînê hatine kuştin.
Çavdêr dibêjin: Tenê ev bihaneyek ji bo berdewamkirina êrîşên li ser Idlibê ye.
Çavdêr dibînin, “ev leşkerên ku Tirkiyê dibêje ew li Idlibê hatine kuştin, ew bixwe 30 Çileyê li Efrînê hatibûn kuştin, ji lewre ji ber vê pêşketinê û bi bihaneya vê yekê, dewleta Tirk dest bi operasyonên xwe li Idlibê kir.
