Ji bo lêkolînkirina komkujiyên li Siwêda û peravê qaşo komîte hatine avakirin.
Vê Komîteyê heya niha tu rapor der barê berpirsên komkujiyan de pêşkêş nekirine.
Ji ber vê malbatên qurbaniyan bi fikar in ku berpirsên van komkujiyan bê hesab werin hiştin.
Sûriyeyê hîna ji binbandora kirîza zêdeyî deh salan derneketiye.
Komkujiyên li deverên peravê û Swêdayê wekî du nîşanên diyarker di bîra civaka Sûriyeyê de derdikevin pêş.
Ev her du komkujî bûne mînakên eşkere yên binpêkirinên mezin ên ku ji hêla hêzên hikûmeta veguhêz ve hatine kirin.
Di navbera 6-9’ê Adarê de li Perava Sûrî komkujî pêk hatin
Di navbera 6-9’ê Adara îsal de li herêmên perava Sûriyeyê komkujî hatin kirin.
Çavkaniyên xwecih: Bi kêmanî hezar û 479 kes hatin kuştin
Li gorî rêxistinên hiqûqî û çavkaniyên xwecih, di wan komkujiyan de bi kêmanî hezar û 479 sivîl hatin qetilkirin.
Piraniya wan ji Elewiyên li Laziqiyê, Tertûs û Hemayê ne.
SOHR: Hejmara qurbaniyên komkujiyê hezar û 682 e
Li gorî Navenda Çavdêriya Mafên Mirovan a Sûriyeyê , hejmara qurbaniyên komkujiyê hezar û 682 e.
SOHR’ê da zanîn ku ev sivîl li meydanan hatin qetilkirin .
Komîteya lêkolînkirina rastiyan 9’ê Adarê hat avakirin
Ji ber zextên navneteweyî ên bi armanca hesabpirsîna ji sûcdaran, 9’ê Adarê “Komîteya Lêkolînkirina Rastiyan” hat ava kir.
3 meh dem dan komîteya Hikumeta Veguhêz a Sûrî da ku erkên xwe bi cih bîne.
Komîteyê piştî derdora 100 rojî rapora xwe ya dawîn parve kir
Lê komîteyê piştî derdora 100 rojî rapora xwe ya dawîn parve kir.
Lê tu encamên berbiçav û ne jî navên sûcdaran nedan. Tenê agahiyeke giştî li ser bûyerê pêşkêş kir.
Malbatên qurbaniyan nerazîbûn nîşanî raporê da û wek “paşguhkirina rastiyan” bi nav kir.
Di meha Tîrmehê de li Siwêda komkujî hatin kirin
Di Tîrmehê de li bajar û gundewarên Siwêdayê jî komkujî hatin kirin.
Hezar û 593 Durzî bûn qurbanî
Di encamê de hezar û 593 Durzî bûn qurbanî, ji vê hejmarê 817 kes li meydanan hatin înfazkirin.
Hikumeta veguhêz di 1’ê Tebaxê de komîteyeke lêkolînkirina rastiyan ava kir.
Tevî ku 60 roj di ser avakirina komîteyê re derbas bûne, lê heya niha tu rapor pêşkêş nekiriye.
SOHR: Ji dema rûxandina rejîmê hezar û 345 kes hatine kuştin
Li gorî SOHR’ê ji dema rûxandina rejîmê (8 Kanûn 2024) ve, bi kêmanî hezar û 345 kes hatine kuştin.
Tevî bertekên domdar ên saziyên navneteweyî û zextên li ser hikumeta veguhêz, lê heya niha hesab ji sûcdaran nehatiye pirsîn.
Sûriyeyî jî li benda lêkolîneke zelal û çalak in ku ewletî û edalet pêk were û hesab ji berpirsên van sûcan were pirsîn.
Çavdêr û hiqûqnas diyar dikin ku berdewama hesapnepirsînê bû sedem bi sedan sûriyeyiyên din werin qetilkirin.
