Îro serê sibê li gelek bajarên Bakûrê Kurdistanê dewleta tirk dest bi operasyonên qirkirina siyasî kir. Di encamê de 42 kes hatin binçavkirin.
Li taxa Hîlal a Êlihê polisan serê sibehê bi ser malan de girt.
Polisan piştî ku li malan lêgerîn pêk anîn, 4 kes binçav kirin.
Li gorî agahiyan her çar kes birin Miduriyeta Polisan a Êlihê û sedema binçav kirinê nehat zanîn.
Li Edeneyê 8 kes hatin binçavkirin
Li Edeneyê jî polisan di ser 10 malan de girt û 8 kes binçav kirin.
Hat ragihandin kesên hatine binçavkirin birin Miduriyeta Polisan a Edeneyê.
Doh li Amed û Dersimê rêveberên HDP’ê û xwendekarên zanîngehê jî di nav de 30 kesên din hatin binçavkirin.