Li Bulgarîstanê li dijî gendeliyê deh hezaran kes daketin kolanan.
Li welêt dengdana baweriyê hat lidarxistin.
Ji ber bertekên gel serokwezîr zelyazkov îstîfa kir.
Li Bulgaristanê ku bi rojan e bûye qada xwepêşandanên mezin ên dijî gendeliyê, Serokwezîr Rosen Jelyazkov îstîfa kir.
Hikûmeta koalîsyona sêalî ya ku Jelyazkov serokatiya wê dikir, bi vî awayî bêyî ku salekê di desthilatê de bimîne belav bû.
Rosen Jelyazkov tam beriya dengdana baweriyê ya li meclîsê biryara xwe ragihand, di heman demê de gel jî li derveyî parlamentoyê çalakiyên xwe domandin.
Jelyazkov di axaftina xwe ya li parlamentoyê de got ew guh didin dengê gel û wiha got:
“Em dengê welatiyan yê li dijî hikûmetê dibihîzin. Dengê gel dengê Xwedê ye.”
Bi deh hezaran kes ji bo şermezarkirina gendeliyê daketin kolanan
Piştî civîna bi serokên partiyên koalîsyonê re, Jelyazkov ji rojnamevanan re wiha axivî:
“Mirovên ji her temenî, ji her esl û olî – ciwan û kal – dengê xwe ji bo istîfayê bilind kirin.
Divê ev helwesta welatîparêziyê bê teşwîqkirin. Ji ber vê yekê divê ev enerjiya sivîl bê piştgirîkirin û moral bê dayîn.”
Koma hêrsbûyî roja Çarşemê li Sofyayê li qada navendî ya nêzîkî avahiyên parlamentoyê, hikûmetê û serokkomariyê kom bûbûn.
Ji dawiya Mijdarê ve li welêt xwepêşandanên li dijî polîtîkayên aboriyê yên hikûmetê û îdiayên gendeliyê dihatin lidarxistin.
Serokwezîrê Bulgarîstanê rosen jelyazkov îstîfa kir
Xwepêşandan bi pêşnûmeya budceya nû ya ku xwepêşandêran wekî “hewldana veşartina gendeliya pir belavbûyî” bi nav kiribûn, dest pê kiribûn.
Tevî ku hikûmetê hefteya borî budceyê paşve kişandibû jî, hêrsa civakî her ku diçû gur dibû.
Hefteya borî Serokkomar Rumen Radev ragihandibû ku ew piştgiriya xwepêşandaran dike û bang li hikûmetê kiribû ku istifa bike û rê li ber hilbijartinên zû veke.
Bulgaristan, ku welatê herî xizan ê Yekîtiya Ewropayê ye, di 1’ê Çîleya 2026’an de wê tevlî Herêma Euroyê bibe.
Ev krîza niha careke din pirsgirêkên kûr ên welêt raxistin ber çavan.
Nemaze nerazîbûna ciwanan a zêde balê dikişîne.
Rosen Jelyazkov ku endamê Partiya GERB a serokwezîrê berê Boyko Borissov e, ji Çile ve bi piştgiriya partiyên ji aliyên siyasî yên cuda hikûmeteke hindikahiyê birêve dibir.
Piştî istîfayê, li welêt wê lêgerîna hilbijartinên zû an jî hikûmeteke nû ya hindikahiyê were rojevê.
Li gorî Îndeksa Têgihîştina Gendeliyê ya rêxistina çavdêriyê, Bulgaristan di nav welatên rewşa herî xirab de ye.
Piştî xwepêşandanên mezin ên dijî gendeliyê yên di sala 2020’an de li dijî hikûmeta Boyko Borisov a ku sê caran bûbû serokwezîr, welêt heft caran çûbû hilbijartinên zû.
