NBC Newsê di nûçeyekê de ragihand ku Serokwezîrê Îsraîlê Binyamin Netanyahu amadekariyê dike ku di serdana xwe ya li DYE’yê de alternatîfên operasyoneke nû ya leşkerî ya li hemberî Îranê pêşkêşî Donald Trump bike.
Li gorî nûçeya NBC Newsê ya ji DYE’yê, ku agahiyên xwe dispêre çavkaniyên nêzî mijarê,
Rêveberiya Îsraîlê gelekî bi fikar e ku Îran bernameya xwe ya fuzeyên balîstîk berfireh dike û hewl dide navendên nukleerî yên meha Hezîranê hatin bombekirin jinûve ava bike.
Di nûçeyê de hate ragihandin ku hewldanên Îranê yên jinûve avakirina navendên hilberîna fuzeyên balîstîk û sererastkirina sîstemên parastina hewayî yên di êrişan de xisar li wan bû, ji aliyê Tel Abîbê ve weke “gefa sereke” tê dîtin.
Di vê çarçoveyê de hate îdîakirin ku Serokwezîrê Îsraîlê Binyamin Netanyahu plan dike ku planên leşkerî yên cuda yên ji bo êrişeke nû ya li hemberî Îranê pêşkêşî Serokê DYE’yê Donald Trump bike.
Tê gotin, Netanyahu ji bo Trump yekser îqna bike, tevlîbûna DYE’yê ya yekser an jî piştgiriya leşkerî jî di nav de senaryoyên cuda pêşkêş bike.
