Li gel tirsa corona, îro gelê Îsraîlî ji bo avakirina hikumeteke nû berê xwe dan sindoqên hilbijartinan.
Di nava salekê de, ev 3 car in hilbijartinên giştî tên çêkirin.
Li bermaberî hevbendiya Kaḥol Lavan û serok-erkanê artêşê yê berê, serokê partiya Likud a rastgir Benjamin Netanyahu dixwaze dema wîlayeta xwe weke serokwezîr hîna dirêjtir bike.
Weke tê zanîn, Netanyahu piştî 2 hefteyan, wê bi tawana gendeliyê li pêşberî dadgehê raweste.
Li gorî rapirsiyên ku berî çend hefteyan li Îsraîlê çêbûbûn, tê gotin wê rikberiyeke dijwar di navbera partiya Netanyahu û Kaḥol Lavan de çêbibe, lê dîsa jî wê herdu nikaribin hikumeteke nû ava bikin.
Li gorî Komîteya Hilbijartinên Navendî ya Îsraîlê, 30 lîste û partî cihê xwe di van hilbijartinan de digirin û 6 milyon û 453 hezar û 255 kes dikarin dengê xwe bidin.
Ev hilbijartin di wextekî de tên ku corona bilez li welatên Rojhilata Navîn belav dibe, ku egerî heye tevger kêm be û rê li ber hilbijartinên cara 4an were vekirin.