Virûsa corona ku roj bi roj belav dibe, îro jî qurbaniyên din li bîlançoya xwe zêde kirin.
Li Iraq û başûrê kurdistanê vîrûs derbasî kesên nû bûn.
Li Îranê jî jimara qurbaniyan di nava rojê de zêde dibe.
Vîrûsa ku sînoran nas nake li nava welatên Ewropayê jî belav dibe.
Li Çînê ku virûsa Coroan jê derket û li cîhanê belav bû, îro 28 kesên din mirin û jimara kesên bi virûsê ketine bû 3 hezar û 70 kes.
Yek ji welatên herêmê ku herî zêde virus lê belav bûye, Îran e.
Li Îranê jimara kesên jiyana xwe ji dest dane gihatş 145’an û jimara giştî ya kesên bi virûsê ketine 5 hezar û 823 derbas kir.
Yek ji qurbaniyên virûsê li Îranê parlemener Fatma Rehber ku îro jiyana xwe ji dest da.
Her wiha 24 parlmenterên din jî bi vîrûsê ketine û Fatma duyem parlamentera welat ku bi vîrûsê mir.
Li Iraqê ku heta niha 3 kes bi virûsê mirine, hat gotin, Lêvegerê Olî Hadî Midirsî jî bi virûsê ketiye.
Wezareta tenduristiyê ya Başûrê Kurdistanê ragihand ku li Hewlêrê jineke 33 salî ya ducanî, bi virûsê ketiye.
Li Xezzayê jî tevger hema bêje rawestiya.
Her wiha li Koreya Başûr ku yek ji welatê virûs pir lê belav bûye, jimara miriyan bû 48 û ya kesên bi virûsê ketine 7 hezar derbas kir.
Li Filipînê ji ber belavbûna virûsê rewşa awarte hat raghandin.
Li Fransa 11 kes mirin û jimara giştî ya kesên bi virûsê ketine bû 716 û li Birîtaniya jî jimara giştî bû 206.
Li Amerîka jî jimara miriyan bû 13 kes.
Her wiha li Afganistan 4, Erebistana Seûdî 2, Kiwêt 3 kes, Cezayîr 2, Qeter
12 kes û Li Malta û Kosterîka yekem kes bi virûsê ketin.
Israîl ragihand ku di kongreya IPAC a ji bo piştgiriya Israyîlê ku di destpêka Adarê de li Washingtonê hatiye lidarxistin, 2 kesên ku bi virûsê ketibûn, amade bibûn.
Di kongreyê de, Cîgirê Serokê Amerîka Mike Penc, Wezîrê derve yê Amerîka Mike Pompeo, Seroka parlementoya Amerîkî Nancy Pilosî û Sefîrê Amerîka yê li Israyîlê David Firedman amade bû.
Belavbûna virûsê li tevahiya cîhanê bi awayekî raste rast bandor li hemû aliyên jiyanî jî kir.
Li gelek welatan, çûn û hatina balafiran, kargeh, dibistan, zanîngeh û gerên turîzmê hatin seknandin û heta li gelek deveran jî cihên pîroz, li pêşiya serdanan hatin girtin.
Heta niha li cîhanê sed û 3 hezar û 471 kes bi virûsê ketine, 3 hezar û 524 mirin û 57 hezar û 462 kes jî ji nexweşiyê xilas bûne.
