Dengdanek girîng li Washingtonê pêk hat.
Senata DYA biryarek derxist ku Donald Trump beriya biryara êrişeke leşkerî li dijî Îranê bide divê erêkirina wan bistêne.
Ev biryar ji hêla qanûnî ve ti bandora xwe nîne, lê bandora wê ya siyasî zêde ye.
Nîqaşa li ser şerê li dijî Îranê li Dewletên Yekbûyî yên Amerîkayê gihîştiye astek nû.
Senato ya bi piraniya xwe ji Komarparêzan pêk tê biryarek derxist ku ji Donald Trump dixwaze ger operasyonên leşkerî li dijî Îranê dewam bike, divê erêkirina kongreyê bistîne.
Balkêş bû ku hin senatorên Komarparêz di dengdanê de li kêleka Demokratan bûn.
Biryar ji hêla qanûnî ve ne girêdayî ye.
Lêbelê, ev gav nerehetiya Kongresê li ser şerê li dijî Îranê û zexta siyasî ya zêde li ser Qesra Spî nîşan dide.
Trump bi tundî bertek nîşanî biryarê da.
Di daxuyaniyeke li ser hesabê xwe yê medyaya dijîtal de wî dengdan wekî “di wextê xwe yê nebaş de û bêwate” de rexne kir.
Li gorî pisporan, ev pêşnûme qanûn desthilatên Trump sînordar nake, lê nîşan dide ku di nav raya giştî ya Amerîkî û di nav Partiya Komarî de piştgiriya ji bo şer qels dibe.
