DYA bi salane Tirkiye ji bernameya balafirên F-35 derxistibû.
Lê beriya Lûtkeya Lîderên NATO ya li Tirkiyê ji Washingtonê daxuyaniyên balkêş hatin.
Serokê Amerîkayê Donald Trump got, ew dikare gavên ku ‘Erdogan pir kêfxweş bike’ bavêje.
Piştî vê yekê pirsên gelo Trump wê vê carê çi ji Tirkiyê bixwaze bi xwere derdixe.
Ji ber hemwextî van peyaman şêwirmendê Erdogan jî dema hilbijartina pêşwext a li Tirkiyê destnîşan kir.
Serokê Amerîkayê Donald Trump ragihand ku ew dikare gavên ku ‘Serok Recep Tayyip Erdogan pir kêfxweş bike’ berî Lûtkeya NATO’yê ya ku dê li Enqerê were lidarxistin bi avêje.
Ev daxuyanî bi nûçeya ku Washington amadekariyan dike ku motorên Amerîkî yên bi sed mîlyon dolarî bifiroşe Tirkiyê da ku di balafira şer a KAAN de bikar bîne.
Tirkiye 2019’an ji ber pergala parastina hewayî ya S-400 a Rûsyayê ji bernameya F-35 hate derxistin.
Ji wê demê ve, daxwazên Enqerê yên ji bo vegerandina bernameyê bêserûber bûn.
Lêbelê, niha rewş diguhere.
Lê pirsa krîtîk ev e:
Trump çima vê yekê niha dike?
Ji ber ku ev daxuyanî beriya Lûtkeya NATO’yê ku Enqerê dê mazûvaniya wê bike tê.
Wekî din, di demekê de ku Trump bi hevalbendên Ewropî re nakokiyên tûj dijî û di nav NATOyê de aloziyên nû têne nîqaşkirin vê gavê di avêje…
Şêwirmendê Serokomariya Tirkiyê: Hilbijartin wê 2028’an be û erdogan wê namzet be
Ji aliyekî din ve, li Enqerê pêşketinên siyasî yên berbiçav hene.
Şêwirmendê Serokatiya Tirkiyê Mehmet Uçum îdia kir ku hilbijartin dikarin hinekî zûtir werin pêşxistin û 16’ê Nîsana 2028’an pêk were.
Bi vê yekê re îdia kir ku Erdogan careke din dikare bibe namzet.
Trump bi mijara F-35’an dilê Enqerê xweş dike: Di berdêlê de wê çi bê xwestin?
Dema ku ev hemû mijar bi hev re têne nirxandin, pirsa jêrîn li pişt perdê bi dengekî bilindtir tê pirsîn:
Erdogan û Trump yên di nava demên dawiyê de nava zextên siyasî de mane, wê çawa hev xelas bikin?
Yan jî Trump di berdêla xurtkirina destê Erdogan de wê çi ji Tirkiyê bixwaze tê kirin.
Bersiva vê pirsên tên mereqkirin tê payîn ku di lûtkeya NATO ya li Enqerê de li ser maseyê û pişt perdeyan tê kirin zelal bibe.
