Vîrûsa ku li seranserê cîhanê belav bûye, bê cudahî kesên navdar jî di nav de, derbasî herkesê dibe.
Piştî gelek kesên navdar herî dawî Serokwezîrê Brîtanyayê Boris Johnson jî bi vîrûsê ket.
Çîn û Îtalya ku herî zêde qurbanî ji ber vîrûsê dan, êdî li peyî Amerîka man.
Vîrûs corona ti kesê ji xwe bêpar nahêle.
Serokwezîrê Brîtanyayê Boris Johnson daxuyakirin ku ew jî bi vîrûsa coronayê ketiye.
Johnson li ser twîttera xwe peyamek bi dîmen belavkir û got;
“Testa min a vîrûsê pozîtîf derket.
Lê emê şerê hikumetê yê dijî vîrûsê, bi konferansên bi dîmen dewam bikin.
Emê bi hevre serbikevin.”
Kurê Cegerxwîn bi Coronayê mir
Her wiha navdarên kurdan jî vîrûsê xilas nebûn.
Kurê helbestvanê navdar ê Kurd Cegerwxîn, Keyo Cegerxwîn ku bi vîrûsê ketibû, li paytexta Swêdê Stockholmê jiyana xwe ji dest da.
Keyo Cegerxwîn ku temenê wî 84 sal bû û welatiyê Swêdê bû ev du hefteye bi vîrûsê ketibû.
Wê li Afganistanê 10 hezar girtî werin berdan
Ji ber belavbûna vîrûsê li cîhanê, metirsiyeke mezin li ser girtiyan heye.
Hikumeta Efxanistanê ji ber metirsiya belavbûna vîrûsê, wê di nava 10 rojan de 10 hezar girtiyan berde.
Biryara azadkirinê, jin, zarok, nexweşên giran û kesên temenê wan ser 55 saliyê re, digre nava xwe.
Yekîtiya Zanayên Misilman a cîhanê banga berdana girtiyan kir
Yekitiya Alimên Misilman a Cîhanê, ji ber belavbûna covid-19 bang li hemû welatên cîhanê kir ku girtiyan berdin.
Amerîka dibe navenda nû ya vîrûsê
Di wextekî de ku Çîn û Îtalya yên herî ziyan ji Coronayê dîtine, Amerîka jimara herzî mezin a nexweşan tomar dike, tenê duh 15 hezar û 400 rewşên nû hatin tomarkirin.
Hin çavdêr dibêjin di rojên pêş de dibe ku Amerîka bibe, navenda herî mezin a vîrûsê.
Ji ber vê, îro Amerîka ragihand, ew ê deriyên xwe ji xebatkarên tenduristiyê yên biyanî re vekin da li ser erda wan kar bikin.
Li aliyê din jî hat dîtin ku li kolanên New Yorkê ku herî zêde vîrûs lê belav bûye, çadir û erebeyên ji bo cenazeyan hatine amadekirin.
