“Tu mafê jiyan û tenduristiyê nikare bê binpêkirin”

Sekretera Weqfa Mafê Mirovan a Tirkiyê, Şaxa Wanê Sevîm Çîçek diyar kir ku desthilatdariyê di pêvajoya vîrusê de jî pratîka xwe ne-guheriye û balkişand ser girtiyên siyasî yên ji derveyê qanûna infazê hatine hiştin û got: Tu sererast-kirin nikare mafê jiyan û tenduristiyê binpê bike.

Bi hevkariya AKP-MHP’ê ji ber vîrusa korona qanûna înfaza ceze ku hatibû amadekirin, 13’ê Nîsanê ji meclîsê derbas bû.

Di Qanûnê de berdana 90 hezar kesî tê pêşiyarkirin û girtiyên siyasî ji derveyê vê hatin hiştin.

Gumanbarên li dijî jin û zarokan sûc kiribûn jî tên berdan.

Sekretera Weqfa Mafê Mirovan a Tirkiyê şaxa Wanê Sevîm Çîçek diyar kir ku li tu dewletên hiqûq û demokrasiyê, qanûneke ku jiyana mirovan referans digire nikare bê-derxistin û got:

Di vê pêvajoyê de jî pratîka desthilatdariyê ne-guheriye.

Rewşên weha yên şewbê, divê li girtîgehan tedbîrên lez bên girtin.

Lê mixabin di qanûna înfazê de mafê jiyan û tenduristiyê ji nedîtîve hatiye dîtin.

Di navbera kesan de ne-wekehevî tê kirin. Tevî hemû îtîrazan qanûn derbas bû.

“Qanûn ne hiqûqî ne jî wijdanî ye”

Sevîm destnîşan kir ku rojnameger, siyasetmedar, parêzvanên maf, xwendekar ji derveyê qanûnê hatine hiştin û wiha domand:

Dema hevdîtinên qanûnê dihat kirin, parlamenterekî got ‘bila li girtîgehê bimre?’ û ji kursiyên AKP’ê dengên ‘bila bimrin’ bilind bûn.

Ev qanûna ne wijdanî ne jî hiqûqî ye. Wê wek şermê derbasî dîrokê bibe.

Dixwazin qanûneke ku berjewendiya îstîsmarkaran diparêze, derxînin.

Tevî vîrusê pratîka desthilatdariyê ne-guherî.

Em dibînin ku kesên twîtek avêtiye, kesekî desthilatdarî rexne kiriye tê girtin.

Hikûmet dibêje ‘ez hemû mafên we ji we digirim, we wek welatî wek mirov nabînim.

Divê îtîraza hemû partî û saziyan li dijî qanûnê bidome.

Back to top button