Parêzer Aheng Enwer ya ku doza jina astengdar ku li Pirdê destdirêjî li ser hatibû kirin, dişopîne got:
Di vê buyerê de 10 kes sucdar in, heta niha 2 kes hatine girtin. Parêzer Aheng daxwaz kir ku hebjînê jina astengdar wek sucdarê sereke were darizandin.
9’ê Nîsanê li bajaroka Pirdê ya Kerkûkê, hinek kesên çekdar li dijî jineke astengdar destdirêjî pêk anîbûn.
Piştî bûyer hate bihîstin ji gelek aliyan ve nerazîbûnên tund li dijî vê kiryarê hatin nîşandan.
Hikûmeta Iraqê ji bo lêkolînkina bûyerê 5 komîsyonên taybet avakir û şand Kerkûkê.
Rêveberiya Polîsên Kerkûkê eşkere kir ku wan 2 sucdar girtine, yek ji wan jî polîse.
Parêzer Aheng Enwer ku ji destpêka bûyerê ve dozê dişopîne, têkildarê çarenûsa dozê axivî.
Aheng Enwer da zanîn heya niha li ser bûyerê tenê 2 kes hatine binçavkirin û lê hîna 8 jî mane.
Aheng Enwer da zanîn ku hevjîna jina astengdar bi xwe jî di nava sucdaran de ye.
Wî bi xwe dîmenên destdirêjiya li ser hevjîna xwe girtine û belav kir.
Parêzer Aheng got: daxwaza wan ew e ku hevjînê wê jinê wek tawanbarê sereke were dîtin.
Astengiya ku niha li pêşiya parêzeran ewe ku nikarin doza jina mexdur wergirin û li ser bixebitin.
Aktivîsta Mafên Jinan Çîmen Ehmed jî diyar kir ew zextê li dadgehê dikin da ku sucdarên din jî werin girtin.
Çîmen Ehmed ragihand ku niha jina astengdar ku destdirêjî lê hatibû kirin, tevî zarokên xwe li navendek taybet a li başûrê Kurdistanê dimîne.
Li gor hin agahiyan jî hevjinê jina astengdar, ji ber pere girtine, çavê xwe ji buyerê re girtiye.
