Ji bo têkbirina paşmahîyên DAIŞê, Artêşa Îraqî operasyonek berfireh li bakurê Bexdayê da destpêkirin..
Şaneya Ragihandina Şer a Îraqî duh bi daxuyanîyekê ragihand ku “li ser fermana fermandarê giştî yê hêzên çekdar û bi serperiştîya fermandarîya operasyonên hevbeş, Fermandarîya Operasyonên Bexdayê, berbanga Pêncşemê, operasyoneke leşkerî- ewlehî li bakurê paytextê dest pê kir”.
Li gorî daxuyanîyê, operasyon bi hevkarîya parastina asmanî ya artêşê pêk hat.
Şaneyê her wiha dîyar kir ku ev operasyon li ser bingeha agahîyên istixbaratî hat, da paşmahîyên çeteyên DAIŞê bişopînin û kesên xwestî bigirin.
