Sixur Emar El-Elî: Hikumeta Şamê dixwaze gelê herêmê dûrî QSD’ê bixe

​​​​​​​Belgeyên sîxuriyê û planên hikumeta Şamê yên li herêmê roj bi roj eşkere dibin. Duh me mikurhatinên sîxur Mihemed Îsam Selah bi we re par ve kir. Îro jî sîxurê bi navê Emar El-Elî li xwe mikur hat ku hikumeta Şamê wan bi bûyerên teqîn û kuştinê erkdar kiribûn, armanc jî gel li dijî QSD’ê sor bibe û dûrî wan bikeve..

Êdî roj bi roj belgeyên ku têkiliyên hikumeta Şamê bi teqîn, gefxwarin û hewldanên kuştina rûspiyên êlên herêmê piştrast dikin, zêde dibin.

Hikumeta Şamê bi rêya şaneyên veşartî û endamên îstixbaratê hewl dide li herêmê navbera pêkhateyên Ereb û Kurd fitneyê derxîne…

Armanca sereke jî, ew e ku hikumeta Şamê ji nû ve herêma Dêra Zorê û yên din kontrol bike..

QSD’ê li dijî van hewldanan ketiye nava tevgerê û 29’ê Gulana borî bi dehan endamên van şaneyan girtin.

Yek ji wan, şaneyeke girêdayî şaxê ewlehiya leşkerî ya bajarê Hesekê ye, ku ji 6 sîxuran pêk tê:

Hesen El-Mişêh

Emar Ehmed El-Elî

Xelîl El-Zayid

Xelîl El-Telai

Qasim Ebû Nehaş

Ehmed El-Hemed

Ajnasa nûçeyan a ANHA’yê, mikurhatinên sixurê bi navê Emar Ehmed El-Elî bi par ve kir.

Sîxur Emar Ehmed El-Elî ji bajarokê Mergede yê Hesekê ye û erka wî kuştina rûspiyên êlan û derxistina tevliheviyê bû.

Hesen El-Mişêh û Xelîl El-Zayid teqîna li navçeya Şedadê di Adara borî de pêk anîn.

Piştî teqînê, şane bi erkên nû hatin erkdarkirin, weke:

Kirîna madeyên hişbir û madeyên qedexekirî ji bajarê Hesekê û belavkirina wan li ser şervan û focên girêdayî QSD’ê.

Armanc ji vê yekê, gel ji QSD’ê dûr bikeve û wê bi tevliheviyê tawanbar bike.

Sixur Emar El-Elî: Hikumetê me bi pereyan û başkirina rewşa jiyanî da qayîkirin

Piştre em ji bo bûyerên kuştina rûspî, şêx û ciwanên herêmê yên ku bi QSD’ê re kar dikin, hatin erkdarkirin..

Ew jî ji bo ku gel li dijî hêzên leşkerî sor bibin û dûrî wan bikevin.

Istixbarta hikûmeta Şamê dibêje ew ê li hemberî erkên ku em pê radibin, pereyên zêde bidim me.

Her wiha dema serweriya hikumetê vegere, wê rewşa me ya jiyanî baş bikin û peywirên bilind bidin me.

Ev demek e, planên tevliheviyê ji aliyê gelek aliyan ve li dijî hevgirtina gelên herêmên Bakur û Rojhilatê Sûrî tên meşandin.

30’yê Tîrmehê jî, sibeha Cejna Qurbanê, rûspiyê êla Igêdat ê Dêra Zorê, Silêman El-Kesar bi êrîşeke çekdarî hat kuştin.

Piştre jî şêxê êla el-Bûrehma yê Qebîleya el-Begara Elî El-Weys hat kuştin.

Back to top button