Serçeteyê DAIŞ’ê yê li Tirkiyê heta niha ji ber çi nehatibû girtin?

Çeteyên DAIŞ’ê xaka tirkiyê ku weke paşmala xwe bikar tênin, di demên dawiyê de tevgera xwe zêde kirin. Serçeteyê DAIŞ’ê Mahmut Ozden ku li tirkiyê serbest tevger dikir hate girtin.

Wezîrê karê Hindirîn yê tirkiyê Soylu girtina serçete weke nûçeyek flash belav kir. Lê serçeteyê ku hatî girtin ji xwe li ber pozê Soylu bû û beriya niha jî hatibû binçavkirin lê piştre jî serbest hatibû berdan.

Li vir pirsa ku derdikeve jî ewe ku gelo serçete Mehmud karê xwe baş nekir û ji bo wê hate girtin?

Îro saetên sibê di encama serdegirtina malan a li Edeneyê de, hat gotin serçeteyê DAIŞ’ê yê Tirkiyê Mehmûd Ozden tevî 5 kesan hate binçavkirin.

Wezîrê Karên Hindir yê tirkiyê Suleyman Soylu jî ev yek weke nûçeyeke girîng li ser hesabê xwe yê medya civakî belav kir.

Lê ji xwe serçete Mehmûd bi salane li ber pozê wan çeteyên DAIŞ’ê li tirkiyê tevger dike, alîkariya madî kom dike û çete dişandin Sûrî.

Serçete Mehmûd Ozden beriya niha jî 3 caran hatibû girtin lê piştre jî serbest hatibû berdan.

Herî dawî navê Ozden di kuştina sivîlên Sûrî de derbas bûbû.

Her wiha birîndarên ku ji Sûrî dihatin li nexweşxaneyê dewletê bê pere dida dermankirin û pereyê wan jî jê distand.

Heta dihate gotin, serçete li Edene qadîtî jî dikir.

Herçiqasî Mehmûd Ozden 4’ê Nîsana 2019’an bi sucê piştgiriya bi çeteyên DAIŞ’ê û avakirina komên çekdar yên terorist re hate girtin jî lê piştî wê careke din serbest hate berdan.

Cara 4’an girtina serçete Mehmûd Ozden nîşan dide ku wezîrê dewleta tirk Soylu weke amureke xapandina raya giştî ya Tirkiyê û derve bikar tîne.

Ji daxuyaniyên koalîsyona navneteweyî, îtrafên çeteyên DAIŞ’ê yên hatine girtin tê zanîn ku dewleta tirk çeteyên DAIŞ’ê li tirkiye bi rêxistin dike û di serî de Kurd, li dijî mûxalifan bikar tîne.

Ev yek di teqînên li Pîrsûsa Riha, Amed, Enqere û gelek deverên din de jî diyar bûbû.

Têkiliya wezîrê rejîma faşîst a dewleta Tirk Suleyman Soylu bi çeteyên DAiŞ’ê re jî, ji îtirafên Soylu bi xwe baş tê zanîn.

Di dema êrişên dagirkeriyê li ser Serêkaniyê û Girê Spî, li ser pirsek rojnamevanan a derbarê metîrsiya ku wê çeteyên DAIŞ’ê li herêmê belav bibin de Soylu wiha gotibû:

Meraq nekin ew di nava lepê me de ne!

Back to top button