Faşîzma AKP’ê bi êrîşa li ser rêveber û endamên HDP’ê re dixwaze tola têkçûna çeteyên xwe DAIŞ’ê rake.
Di vê çarçoveyê de 25’ê Îlonê 82 endam û rêveberên HDP’ê yên niha û berê binçav kir.
Tevî ku ev 4 rojin hatine binçavkirin jî heta niha ne lêpirsîn pêk hatiye û ne jî biryarek.
Heta vê carê weke ku êşkence bike 4 rojên din dema binçavkirinê hate dirêjkirin.
Nûnerê Vîna gelê Qersê, Hevşaredarê Ayhan Bîlgen ku hatiye girtin got,
Yên danîna qeyûm difikirin bila bîranînên waliyê eskerî yê Rûs bixwînin
Peyam û serdanên piştevaniyê yên ji bo HDP’ê jî dewam dike.
Endamên Desteya Rêveberiya Navendî a HDP’ê ya sala 2014’an jî di nav de siyasetmedarên ku di çaroveya Lêpirsîna “bûyerên Kobanê” de hatibûn binçavkirin, birin Edliyeya Enqereyê.
Li ser daxwaza dema zêde ya dozger, siyasetmedarên ku derketin dadgehê dema binçavkirina wan hat dirêjkirin.
Piştî vê yekê polisan siyasetmedaran careke din birin Miduriyeta Polisan a Enqereyê.
Bîlgen: Yên danîna qeyûman difikirin bila bîranînên waliyê leşkerî yê rûs bixwînin
Hevşaredarê Qersê Ayhan Bîlgen ku hatiye binçavkirin bi rêya parêzerê xwe peyam şand.
Bîlgen di peyamê de têkildarî jehrîbûna xwe got piştî ew ji ber xwarinê jehrî bûye avê vedixwe.
Bîlgen di peyama xwe de têkildarî gotegotên dê qeyûm tayînî Şaredariya Qersê jî bikin wiha got:
“Yên ku tayînkirina qeyûm difikirin bişînin ser şaredariya me, bila bîranînên waliyê eskerî yê Rûs 150 sal berê derbarê Qersê de gotibû bixwînin.
Walî nikaribû bajêr birêve bibe û neçar mabû şûra ava bike.”
Tê payîn ku Hevseroka Giştî ya HDP’ê Pervîn Bûldan, sibê bi gelê Qersê re bê gel hev û li bajar hin serdanan pêk bîne.
Serdanên ji bo HDP’ê: Divê eniyên antîfaşîst bên avakirin
Şandeyek endamên Akademiya Piştevaniyê ya Enqereyê (ADA), serdana Navenda Giştî ya HDP’ê kir.
Şande ji aliyê Hevserokê Giştî HDP’ê yê Mîthat Sancar û endamên Desteya Rêveberiya Navîndî ve hat pêşwazîkirin.
Di serdanê de endama ADA’yê Akademîsyena Aştiyê Sevîlay Çelenk, axivî û diyar kir ku bi operasyona li dijî HDP’ê ji muxalefetê re peyam tê dayîn û wiha got:
“Operasyon li dijî me hemûyan e.
Tê xwestin ku muxalefet bitirse.
Lê piştgirî nîşan didin ku operasyon hatiye tefandin.
Em bi we re ne.”
Hevserokê Giştî HDP’ê yê Mîthat Sancar, derbarê operasyonê de agahî da şandeyê û bal kişand ser têkoşîna hevpar û got,
Plana dîzaynkirina civakê ya desthilat dikare ji aliyê hêzên civakî bê rawestandin.
Her wiha ji ber serdana wan Sancar spasiya endamên heyetê kir.
