Şêniyên navçeya Eyn Îsayê ji ber zêdebûna êrîşên dagirkeriya Tirk yên li derdora navçeyê bi fikar in.
Şêniyan bang li hêzên navnetewî û Rûsyaya garantor kirin ku zextê li Tirkiyê bikin da ku êrîşên xwe rawestîne.
Dewleta Tirk a dagirker û çeteyên xwe hewl didin derbasî Navçeya Eyn Îsayê bibin û navçeyê dagir bikin.
Ji lewra dagireran êrîş topbanara xwe dijwartir kiriye, şervanên QSD’ê jî êrîşên dagirkeran têk dibin û hewldanên wan pûç dikin.
Êrîşên dagirkereiya Tirk ên domdar li dijî navçeyê bûye sedama kuştin û birîndarkirin gelek sivîkan, her wiha tirs di nav şêniyan de çêkir.
Şêniyê bi navê Marûf Şêx Salih ê ji Eyn Îsayê anî ziman ku ji ber êrîşên Tirkiyê ew azaran dikişînin, li hemberî vê Rûsyaya garantor bêdeng e.
Ji ber êrîşan û pevçûnan em koçber dibin.
Em li aramî, ewlehî û aştiyê digerin.
Ji hêzên navnetewî dixwazin ku êrîşên dewleta Tirk li ser navçeya me rawestîne.
Aloziya sûriyê bi destwerdana Tirkiyê zehmet bûye, em ji dewletên têkildar dixwazin ku alîkariya me bikin.
Mihemed Muslim jî diyar kir ku hêviya şêniyan bi aştî û aramî li malên xwe û li ser xaka xwe bijîn û karestên dema dagirkirina komên çete li navçeyê dubare nebe.
Muslim bang li hêzên navneteweyî û Rûsyaya kir ku zextê li dewleta Tirk û çeteyên wê bikin da ku êrişên xwe yên li ser navçeyê rawestînin û trajedyaya koçberiyê dubare nebe.
Ev çeteyên Tirkiyê li gorî lihevkirinan nevnetewî tev nagerin û her li dijî navçeyê êrîşan pêk tînin.
Rojane li dijî navçeyê topbaran pêk tê, ev jî bi armanca koçberkirina şêniyan e.
Beriya êrîşên Tirkiyê Eyn Îsayê bi ewle bû.
Duh obusek dagirkeran ket mala sivîlekî li Eyn Îsayê, di encamê de dayikek û du zarok birîndar bûbûn.
Her wiha avahiya gerînendetiya kehrebeya Eyn Îsayê hat armanckirin da ku kehrebe li ser şêniyan qut bibe.
