Ayşe Başaran: Em ê têkoşîna xwe li dijî polîtîkaya destdirêjiyê dewam bikin

Berdevka Meclisa Jinan a HDP’ê Ayşe Acar Başaran derbarê bûyera destdirêjiyê ya li ser zaroka 15 salî diyar kir ku ,
Buyerên destdirêjiyê li Tirkiyê zêde bûne û dixwazin li Kurdistanê jî bi vê rêbazê civakê dîl bigirin. Ayşe da zanîn li dijî polîtîkayên destdirêjiyê ew ê têkoşîna xwe berdewam bikin û dev ji agahdarkirina civakê bernedin.
Tevgera Jina Azad û Meclîsa Jinan ya HDP’ê jî diyar kirin ku ewê destûrê nedin ku li ser van buyeran were nixumandin.

Parlamentera Êlihê Ayşe Acar Başaran derbarê bûyera destdirêjiya li ser zaroka 15 salî ku li navçeya Kercewsa Êlihê pêk hat axivî.

Ayşe destdirêjî weke rêbazek bêexlaqiyê bi nav kir û anî ziman ku ev rêbaz li gelek deverên cîhanê heye lê li Tirkiyê zêdetir e û dixwazin li Kurdistanê jî bi vê rêbazê civakê dîl bigirin.

Ayşe diyar kir ku ku berî niha Wezîrê Karên Navxweyî Suleyman Soylû di bûyera Îpek Er de xwedî li kesê destdirêjî lê kir derket, niha di buyera Kercewsê jî heman tişt dubare dibe.

Ayşe Acar Başaran destnîşan kir ku biryara veşartina naveroka dosyeya bûyera li Kercewsê hewldana nixumandina bûyerê ye û got, ”Ji ber biryara nixumandina buyerê, parêzer nikarin xwe bigihînin dosyeyê”.

Ayşe Acar Başaran anî ziman ku çawa dest ji bûyera Îpek Er hat berdan wê dest ji vê bûyerê jî bê berdan, diyar kir ku ew ê serî ji gefan re netewînin û got, “Em ê serî ji gefan re netewînin û dev ji agahdarkirina raya giştî bernedin.

Di dawiyê de Ayşe Acar Başaran bang li gel kir ku li dijî van polîtîkayên şer derkevin û xwe birêxistin bikin.

TJA û Meclisa jinan a HDP’ê li Mêrdînê bûyera li Kecewsê şermezar kir

TJA’yê û Meclisa jinan a HDP’ê jî têkildarî heman bûyerê, li ber deriyê avahiya HDP’ê ya Mêrdînê daxuyanî dan çapemeniyê.

Di daxuyaniyê de bal hate kişandin ser zêdebûna buyerên destdirêjî û kuştina jinan a di demên dawî de û wiha hat gotin:

Bi polîtîkayên ku hikumeta AKP’e û MHP’e dide maşandin ev buyer bêhtir rû didin.

Ji 27 sucdarên ku destdirêjî li zaroka 15 salî kir tenê 11 kes tên lêpirsîn-kirin.

Ajansa Jinnewsê ku bûyer derxist holê nûçeya wê hat astengkirin û nûçegîhana wê jî gef lê xwarin.

Di dwiyê de hat diyarkirin ku ew ê tu carî destûra nixumandina van buyeran nedin.

Back to top button