Li ser navê girtiyên PKK’e û PAJK’e, Îsyan Kaya bal kişand ser zextên zêde yên li girtîgehan û diyar kir, ku dewleta Tirk bi zanebûn di nav girtiyan de, coronayê belav dike.
Kaya eşkere kir ku di encma vê polîtîkayê de, 2 hevalên wan ên ciwan ji ber coronayê jiyana xwe ji dest da.
Îsyan Kaya bang li hemû Kurdan kir ku li dijî polîtîkayên qirkirin û tecrîdê, girtiyan tenê nehêlin û bibin dengê wan.
Li girtîgehên Tirkiyê li ser dîlgirtiyên azadiyê, êrîş û zext zêde dibin û rojane agahiyên wan tên.
Li ser navê girtiyên PKK’ê û PAJK’ê, Îsyan Kaya derbarê zextên zêde yên li girtîgehan daxuyaniyek da.
Kaya got:
Zextên li zindanan, ji salên 90’î bihurî ye.
Dewleta dagirker pir eşkere polîtîkayên kuştin û tasfiyekirina girtiyan dimeşîne.
Kaya da zanîn ku bi giştînameyên ku hatine derxistin, erkeke bêsînor dane rêveberiyên girtîgehan, ev jî bûye sedem ku li girtîgehan zilm lûtke jî derbas kiriye.
Kaya derbarê zextên niha di gîrtîgehan de jî tê meşandin ev agahî dan:
“Hemû çalakiyên sportîf, qurs, hevdîtinên malbatan, her cure danûstandinên civakî hatine qedexekirin.
Bi awayekî giştî name û pirtûkên Kurdî hatine qedexekirin.
Xebatên ku girtiyan bi 10, 20, 30 salan hilberandine, çîrok, roman, nivîsên lêkolînê û name hatine desteserkirin.
Nahêlin xebatê wêjeya Kurdî di girtîgehan de pêş bikeve.
Bi vê dixwazin qada giyanî, hişmendî û hilberandinê ya girtiyan ji holê rakin”
Dewleta Tirk di girtîgehan de coronayê belav dike
Kaya her wiha eşkere kir ku
Pasvan bi pêlavan dikevin odeyên girtiyan û destê xwe didin her tiştê wan û vîrûsa coronayê belav dikin.
Girtiyên nexweş ên ku coronayê ketine jimarê wan gelek zûde bûye û hevalên wan bi mirinê re rû bi rû hiştîne.
Kaya dazanîn ku ji ber vê polîtîkayê herî dawî li girtîgeha Elbîstanê hevalê wan Muhammed Emîr û li girtîgeha Tekîrdagê Sidki Berktaş ku temenê wî 28 salî bû, ji ber coronayê jiyana xwe ji dest da.
Li ser navê girtiyan, Îsyan Kaya diyar kir ku ew ê bi ruhê Zindana Amedê li ber xwe bdin û wê kes nikaribe wan teslîm bigire û roja wan tarî bike.
Kaya li dijî zexta li ser girtiyên azadiyê û tecrîda li ser Rêber Ocalan, bang li Kurdên derve kir ku têkoşîna xwe bilind bikin.
Grêva birçîbûnê ya ku girtiyên PKK’yî û PAJK’î ji bo bidawîanîna tecrîda li ser Rêber Ocalan û zext û zordariya li girîgehan, ku 27’ê Mijdarê dest pê kiribû, di roja 16’an de û bi koma 4’an didome.
