Sûdan ya ku ji ber şerê navxweyî yê li Etyopya malovaniyê ji deh hezar koçberên wê re dike ji bo çareseriya rewşa heyî ket tevgerê.
Serokwezîrê Sûdanê ji ber rewşa metirsîdar ya li ser sînorê welatê xwe û pêşniyarkirina navbeynkariyê ya navbera aliyan berê xwe da Etyopya.
Li aliyekî din, piştî 27 salan, Dewletên Yekbûyî yên Amerîka, fermî Sûdan ji lîsteya xwe ya terorê derxist.
Ji 4’ê Mijdarê ve di navbera Eniya Rizgariya Gel a Tîgray TPLF û artêşa Etyopyayê de şer li dare.
Şerê ku heyî bi xwere pêleke mezin ya koçberiyê aniye.
Kesên ji ber şer koçber bûne jî berê xwe dane Sûdan ya li bakurê welat.
Hikumeta Sûdanê ji bo çareseriya rewşa li Etyopya û metirsiya li ser sînorê wê li rêyên çareseriyê digere.
Divê çarçoveyê de, Serokwezîrê Sûdanê Ebdulah Hemduk ji bo du rojan serdana Etyopya kir.
Tê gotin, Ebdulah Hemduk wê ji hikumeta Etyopyayê re pêşniyar bike ku Sûdan rolê navbeynkariyê bileyîze.
Lê Hemduk di serdana xwe ya ku doh pêk anî de encam negirt.
Li gorî çavkaniyan, hikumeta Etyopya diyar kiriye ku pêwistî bi navbeynkariyê nake.
Di vê navberê de li gorî daneyên NY 950 hezar kes ji cih û warê xwe koçber bûne û ji wan 50 hezar koçberî Sûdanê bûne.
Serokwezîrê Etyopya 29’ê Mijdarê ragihandibû ku wan paytexta Tîgray Mekelle kontrol kirine û serkeftina xwe ragihandibû.
Piştî şerê li herêmê û heta niha cara yekemîn karwana alîkariyê roja Şemiyê derbasî Mekelle hatibû kirin.
Hêzên Eniya Rizgariya Gel a Tîgrayê jî li herêmên çiyayî yên paytext Mekelle şerê xwe yê li dijî artêşa Etyopyayê didomîne.
Amerîka, navê Sûdan ji Lîsteya terorê radike
Li aliyekî din, piştî 27 salan, Dewletên Yekbûyî yên Amerîka, fermî Sûdan ji lîsteya xwe ya terorê derdixe.
Balyozxaneya Amerîkî ya li Xurtûmê ragihand, ku biryara derxistina Sûdanê ji lîsteya terorê, îro dikeve meriyetê.
Ji ber hewandina kesayetên terorîst, di serî de serçeteyê berê yê Qayîdayê Usama Bin Ladin, Sûdan sala 1993 ket lîsteya terorê.
