Yekîtiya Ewropayê ku 11’ê Kanûnê ragihand wan ceza li Tirkiyê birîye, bi şêwazên cuda piştgiriya wê dike.
Di bin navê alîkariya koçberên li Tirkiyê de, YE ragihand ku wan 6 milyar euro alîkarî pêşkêşî Enqere kiriye.
Ev alîkarî jî spart peymana 2016’an a koçberan ku bi Tirkiyê re hatiye îmzekirin.
Ya diyar careke din Erdoganê ku aboriya welat têk biriye bi karta koçberan pereyan ji YE distîne.
Koçberên li tirkiyê careke din kaxeza di destê Erdogan de ne û pê gefê li Ewropa dixwe.
18’ê Adara 2016’an YE li gel Tirkiye peymanek ya koçberan îmze kir.
Di peymanê de hat gotin, wê alîkariya 6 milyar euro ji bo Enqere were dayîn û ew jî wê rênede ku koçber derbasî Ewropa bibin.
Serokê Delegasyona YE ji bo Tirkiyê Nikolaus Meyer Landrut ragihand ku ji bo koçberan 6 milayar euro pereyê ku hatibû destnîşankirin ji bo tikiyê hatiye dayîn.
Li gorî vê divê ji bo koçberan alîkarî were dayîn.
Lê heta niha alîkariya ku bi koçberan re hatî kirin diyare.
Bi nûçeyên derket ku çawa koçberên Sûrî yên li Tirkiyê lebatên laşê xwe difiroşin û pê debara jiyana xwe dikin.
Li gorî peymanê ew koçberên ku derbasî Yunanîstanê bûyîn divê careke din ji bo Tirkiyê werin vegerandin.
Ji xwe ev koçber her weke kaxeza gefxwarinê di destê Erdogan de ne.
Car tê deriyê xwe ji bo wan vedike û berê wan dide Ewropa car tê, bi wan gefan li Ewropa dixwe.
Serokomarê Tirkiyê Erdogan jî jimara van koçberan her zêde dike û bi vê yekê pereyan ji YE dixwaze.
Erdogan dibêje wan bi qasî 40 milyar dolar pere li koçberan mezaxtiye.
Lê ya diyar mezaxtina Erdogan ji bo koçbera kirî tenê gotina wî ye.
