Îranê careke dest bi hilberîna Uranyumê kir.
Saziya Enerjiya Atomî ya Îranê ragihand ku wan ji sedî 20 Uranyuma saf bidest xistiye.
Emerîka, Îsraîl û hin welatên din bertek nîşanî vê yekê dan û fikarên xwe anîn ziman.
Saziya Enerjiya Atomî ya Îranê doh ragihand ku wan dest bi hilberîna Uranyuma saf kir.
Saziyê weke hedef jî ji sedî 20 diyar kir.
Berdevkê Saziya Enerjiya Atomî ya Îranê Behruz Kemalwendî ragihand ku di encama xebatê de wan karî ji sedî 20 Uranyuma saf bidest bixin.
Kemalwendî yê di televsiona dewletê de axivî diyar kir ku li navenda Fordo ya hilberîna Uranyumê li pêş komîteya Ajansa Enerjiya Atomê ya Navnetewî (UAEA) pêk aniye.
Kemalwendî dazanîn ku piştî xebatên 12 saetan karîne ji sedî 20 Uranyuma saf bidest bixin.
Piştî kuştina Zanyarê Îranê Muhsîn Fexrîzade tevî hemû nerazîbûna hikumetê Meclisê biryara dewlemendkirina uranyumê dabû.
Biryara 1’ê Kanûnê hate girtin, di qada navnetewî de nerazîbûn bi xwere dabû çêkirin.
Uranyumê careke din DYA û Îran anî pêşberî hev
Li aliyekî din tevî Îsraîlê Amerîka jî helwest nîşanî vê yekê da.
DYA’yê li ser bernameya zengînkirina uranyûmê ya Îranê got, ”zirtan dike”.
Wezîrê Derve yê Amerîkayê Mike Pompeo diyar kir ku ligel hatina Joe Biden û sozên ji bo vegera rêkeftina atomî, careke din Îranê dest bi gefan kiriye û ligel hatina Jo Biden bo Koşka Spî, Îran dê gefên xwe yên li herêmê û cîhanê zêdetir bike.
Tê zanîn piştî ku DYE ji Peymana Nukleer a 2015’an vekişiya Îran bernameya zengînkirina uranyûmê didomîne.
Li gel Îran û DYA, YE, Fransa, Brîtanya, Almanya, Çîn û Rûsya jî îmzekarê peymanê ne û pêşbîniya wê hatibû kirin tesîsên nukleer ên Tehranê ji çavdêrên navnetewî re vekirî bin.
Di ber vê de ambargoya li ser Îranê gav bi gav wê bihata sistkirin.
Serokê Amerîka Donald Trump ku 2017’an hatibû ser kar ragihandibû ku ew ji peymana ku dema Barack Obama hatiye îmzekirin vedikişe.
Ev yek bû despêkeke nû ya derketina aloziya navbera aliyan de.
