Îro salvegera 7. a damezrandina Rêveberiya Xweseriya Demokratîk a herêma Cizîrê ye. Di nava 7 salan de jinan karîbûn pergala demokratîk ku hebûna tevahî jinan tê de misogere bidin rûnişkandin. Her wiha di encama pergala hevserokatiyê de jin di ava civakê de bûne xwedî statû.
Yekem car li dewsa desthilatdariyê rêveberî hat avakirin..
Di encama ked û xebateke demdirêj de Kurd, Ereb, Ermen, Aşûrî û Sûryan projeya xwe ragihandin..
Ew jî Rêveberiya Xweseriya Demokratîk bû.
Şêniyên herêma Cizîrê 21’ê Çileya 2014´an li bajarê Qamişlo rêveberiya xwe ragihandin..
Ji siyasetê bigire heta parastinê, çand û civakê vê rêveberiyê li her qada jiyanê xwe birêxistin kir..
Ji wê rojê û heta niha şênî bi vîna xwe ya xweser herêmên xwe bi xwe rêve dibin..
Ev yek bû gava destpêkê ku rêvberî li her sê kantonan Cizîr, Kobanê û Efrîn xwe bi rêxistin bike..
Piştî salên dem dirêj ji qedexe û zextan, cara pêşîn bi zimanê kurdî, erebî û suriyanî zarok bi zimanê dayîkê fêrî perwedeya dibistanan bûn.
Bê guman di avakirina Rêveberiya Xweser de jî jinan roleke sereke lîst û jê re pêşengtî kir.
Endamên jin ên Rêveberiya Xweseriya Demokratîk a Kantona Cizîrê bi armanca birêxistinkirina karên jinan û aktîfkirina wan a di nava rêveberiyê de, koordînasyonek ji 5 jinan pêk tê ava kirin.
Di encama pergala hevserokatiyê de jin li herêmê bûn xwedî vîn û pergala xwe di hemû saziyan de bi têkoşîneke bêhempa dan rûniştandin.
Tevî vê jinan mafê xwe bi dest xist û ji bo parastina mafê hemû jinan jî Desteya Jin zagonên ku jinê ji êrîş û tundiyê diparêze û mafê wê misoger dike derxistin..
Her wiha jinan qadên xwe yên rêxistinê yên Kongra Star, Mala Jin, Meclisa Edaleta Jin jî ava kirin..
Tevî êrîş, astengî û zextan, di nava 7 salan ji damezrandina rêveberiyê de, jinên li herêmê bûn xwedî statû, karîbûn sîstemeke demokratîk ku hebûna jin û pêkhateyan tê de were pejrandin, ava bikin.
Jinan her roj qadên xwe yên rêxistin fireh kirin û li dijî dagirkeriyê têkoşîna xwe jî dewam dikin..
