Li Idlibê şer gurtir bûye û jimarek leşkerên hêzên hikumeta Şamê hat birîndarkirin.
Navenda Çavdêriya Sûrî ya Mafên Mirovan ragihand ku duh çeteyên Tirkiyê bi giranî nuqteyên hêzên hikumeta Şamê li eniyên gundên El-Melaca û Dadîx yên Idlibê topbaran kirin.
Li gorî navendê, ji ber topbaranê, jimarek leşkerên hikumeta Şamê birîndar bû.
Jixwe li gundewarên Cebel El-Zawiyê yê başûrê heman parêzgehê jî şer û pevçûnên herdu aliyên navborî li dar in.