Serokomarê Tirkî Erdogan bi pêk anîna xistina destehilata Tirkiyayê di bin kontrola xwe de, biryarên erkdarkirina qeyûm Melîh Bulu û 11’yên din li zanîngehên Tirkiyê da.
Melîh Bulu beriya dagirkirina Serêkaniyê tev li bernameyeke televîzyonê bibû û dibêje em ê li Serê Kaniyê çekên nû biceribînin.
Erdogan dîsa biryara erkdarkirina 11 qeyûman ji bo birêvebirina zanîngehên Tirkiyê da.
Ev yek binpêkirineke eşkere û belî ya mafên hilbijartinan dide nîşandan.
Erdogan berî niha Melîh Bulu jî weke qeyûm li ser zanîngeha Bixazîçî ya yekemîn zanîngeha Tirkiye, weke qeyûm danî.
Vê yekê kolan hêrs kir û bi hezaran xwendekar rabûn ser pêyan.
Lê weke her car polîsa Erdogan zêdeyî 200 xwendekarî binçav kirin û bi îdayên piştgiriya terorê wan binçavkir.
Têkildarî danîna qeyuman ji bo birêvebirina zanîngehan, Civaknasê Zanîngeha Bilgî Ya Stenbolê Ferhat Kental diyar kir ku bi vê biryarê Erdogan ji gel û partiyan re dide xuyakirin ku destehilata welat hê jî di bin kontrola wî de ye.
Berê zanîngehan xwe bi xwe hilbijartinên erkdarkirina emîdan dikir, lê piştî darbeya leşkerî ya 2016’an, Erdogan ev yek guherand û her tişt kir bin destê xwe.
Melîh Bulu: Em ê gelê Serêkaniyê, çi sax çi mirî, tev bigirin
Serokkomarê Tirkiyê Erdogan siyaseta xwe ya faşistisbûnê ne tenê li dijî welatê xwe bi kar tîne, belê ev tişt li Efrîn û Serê Kanî, Girê Spî û hemû herêmên dagirkirî yên Sûriyê jî tên dîtin.
Ku reng û zimanê perwerdeyê bi temamî guhertin û mamosteyên xwe li dibistanên Sûrî bi cih kirin.
Ev qeyûmên ku wan datîne jî, helbet xizmeta berjewendî û idolejiya wî dikin.
Her çendî Erdogan van kesan weke zane pênase bike jî, lê di axaftinên wan de çi qas faşîst û dijmirovî diyar dibin.
Melîh Bulu yê ku bi hezaran xwendekarên li Tirkiyê li dijî rabûne, beriya dagirkirina Serê Kaniyê li ser televizyonê gotibû, ku:
Li Sûriyê herêmên di destê terorîstan de, “mebesta wî Kurd in”, em ê hemûyan an bi saxî an mirî bigirin, ji holê rabikin.
Eger em nikaribin jî, em ê herî kêm her cure çek di nav de yên kîmawî, biceribînin. Ji bo wî jî divê em êrîşên xwe yên li ser Sûriyê bidomînin.”
Di roja duyemîn a êrîşên li dijî Serê Kaniyê de, laşê zarokê bi navê Mihemed ji ber fisfora spî hat şewitandin, mînaka vê yekê bû.
