Hevsengiyên heyî hêviyên vegera Îran û welatên Rojavayî ya ji bo vegera li bernameya nukleerî zehmet dike.
Lîderê olî yê Îranê Xamaneyî ragihand ku ewê dewlemendkirina uranyumê bigihînin ji sedî 60.
Li dijî vê yekê ji Koşka Spî û Wezareta Karê Derve ya Amerîka bertek derket.
Amerîka fikarên xwe yên durketina Îran ji peymana nukleerî anî ziman.
Waşîngton her çiqasî di demên dawiyê de hinek tawîz ji bo Tahranê dabin jî, lê vegera li bernameya peymana nûkleerî ya navabera aliyan de pêk nehatiye.
Hevsengiyên li herêmê û polîtîkayên di serdema Donald Trump de rewş û metirsiya heyî zêde kiriye.
Rêberê Olî yê Îranê Elî Xameneyî ragihand ku wê ji dewlemendkirina uranyumê gavan bi paşde neavêjin û wê ji sedî 60 zêde bikin.
Xamaneyî ku bi endamên Meclisa Zanyaran re hatî gel hev, armanca Tahran ya li ser dewlemendkirina uranyum û cezayên DYA axivî.
Emê rêjeya pêwistiya nukleerê bi qasî pêwist zêde bikin. Dewlemendkirina uranyumê jî wê di asta ji sedî 20 de nemêne. Îran wê di mijara nukleerê de gav bi paşde ne avêje. Li gorî pêwistiya welat wê dewlemendkirina uranyumê heta jî sedî 60 jî pêk were.
Amerîka: Em ji gavên Îran yên durketina ji peymana nukleerî bifikarin
Helwesta li dijî van daxuyaniyên Xameneyî ji aliyê din yê cîhanê hat.
Berdevkê Wezareta karê Derve ya DYA Ned Price ragihand ku ew ji gavên Îran yên durketina ji peymanê nerehet in.
Ned Price di daxuyaniya çapemeniya rojane de li ser nêzbûna aliyan a ji bo bernameya nukleerî agahî da.
Em amade ne di bin sîwana P5+1 de li ser mijara nukleerê bi Îranê re runin.
Lê divê Tahran ji bo mercên danustandinê li şertên hatin diyarkirin vegere.
Price li ser gotina Xamaneyî ya ewê ji rêjeya dewlemenkirina urnayumê derxin ji sedî 60 jî bertek nîşan da û got:
Em ji gavên Îran yên ku ji peymanê durdikeve bifikarin.
Koşka Spî: Ji bo Îran nebe xwedî çeka nukleerî rêya sereke danustandine
Berdevka Koşka Spî Jen Psaki jî diyar kir ku Îran ji pêkanîna mercên vegera li peymana nukleerî dûr e.
Psakî di daxuyaniya çapemeniya rojane de têkildarî rewşa dawî ya danustandinên navbera Waşîngton û Tahranê de axivî.
Weke berê jî me gotî, di mijara vegera li peymana nukleerî ya bi Îranê re dergeh vekirî ne.
Ev mijar bi rêya diyalogan dikare were çareserkirin.
