Rêber Apo ku roja pêncşemê bi birayê xwe Mihemed Ocalan re hevdîtineke kurt bi telefonê pêk anî diyar kir hevdîtineke bi rengî gelek şaş û xeter e.
Rêber Apo got, “Dewlet jî û hûn jî şaşiyan dikin, Ger wê hevdîtinek pêk were divê bi parêzan re be.
Çend roj berê jî derbarê jiyana Rêber Apo de hin îdîa hatin belavkirin. Li ser vê yekê gelê Kurd û dostên xwe li her derê dest bi çalakiyan kirin û hat xwestin demildest bi Rêber Apo re hevdîtin pêk were.
Rêber Apo di 27’ê Nîsana 2020’an de bi telefonê bi birayê xwe Mihemed Ocalan re axivîbû û duh Pêncşemê jî Mihemed Ocalan li Serdozgeriya Komarê ya bajarê Rihayê bi Rêber Apo re bi telefonê axivî. Lê piştî çend deqeyan telefon hat birîn.
Mihemed Ocalan têkildarî vê hevdîtina bi Rêber Apo re ji Ajansa Nûçeyan Mezopotamyayê re axivî û diyar kir ku kesekî xwe weke Midûrê Girtîgeha Îmraliyê da naskirin, 24’ê Adarê saet di 18:00 de lê geriya û xwestiye ku 25’ê Adarê saet di 13:45’an de li Serdozgeriya Komarê ya Rihayê amade be û bi telefonê bi Rêber Apo re biaxive.
Mihemed Ocalan diyar kir, dema telefonê lê da, wî bersiv da û Rêber Ocalan û yekser jê re gotiye:
“Tu çawa hat vê derê? Kê te anî? Çawa çêbû? Tu ji ku digere?”
Mihemed Ocalan wiha dewam kir:
Kekê min ji bo vê rewşê got:
“Hem tu hem jî dewlet hûn şaş dikin. Sedema wê jî ev e; saleke bi ti awayî hevdîtin nîne. Cihê vê yekê ne di nava hiqûqa dewletê de ne jî di nava hiqûqeke cuda de nîne.
Hatina te şaş e û gelekî metirsîdar e. Dewlet jî gelekî xeter e.
Ev tiştekî rast nîne. Eger hevdîtinek pêk were, divê di çarçoveya hiqûqî de be.
Nabe ku piştî salekê li gorî dilê xwe bi telefonê hevdîtinê bidin kirin.”
Mihemed Ocalan da zanîn ku Rêber Apo dubare gotiye:
“Ev tişta hûn dikin gelekî şaş e. Dewlet jî bi rengekî şaş tev digere, hûn jî.
Ev hiqûqî nîne, rast jî nîne. Ev ti carî nayê qebûlkirin.
Ev yek di heman demê de metirsîdar e. Gelo haya we jê heye ku hûn çi dikin?
Ez dixwazim ku parêzerên min bên vê derê û hevdîtinê bi min re bikin.
Ev tiştekî hiqûqî ye. 22 sal in li vir im. Ev pirsgirêk wê dema bê çawa be? Ev pirsgirêk tenê bi hiqûqê dikare çareser bibe. Çima nayên vir? Eger hevdîtinek wê bibe divê bi parêzeran re bibe. Ji ber ku ev rewş hem siyasî ye hem jî hiqûqî ye.”
Mihemed Ocalan diyar kir ku wî ji Rêber Ocalan re ragihandiye, yek ji sedemên hatina wî ya hevdîtinê jî grevên birçîbûnê yên li girtîgehan e û got,
“Serok got, ‘Ez naxwazim kes ji bo min li greva birçîbûnê û li zindanan bimire. Min ev berê jî gotibû, niha jî dibêjim. Pêwîstî bi vê nîne. Ev tiştekî gelekî giran e. Divê hûn vê bibînin.”
Mihemed Ocalan destnîşan kir ew nêzî 4-5 deqeyan axivîn û got, “Dengekî zirav bû. Bawer im dengê Serok bû. Serok ji min re got, ‘Ev hevdîtin gelekî şaş e. Ev hevdîtin jî nîne’ û piştre telefon hate birîn.”
