Bi boneya roja rojbûna rêber APO Kongra Star, RJAK’ê û NPG’ê daxuyaniyên cuda weşandin û diyar kir ku rojbûna rêber APO ne tene rojbûnek e, 4’ê Nîsanê weke roja vejîn û jidayîkbûna jina azad e.
Aliyan banga geşkirina têkoşîna ji bo azadiya fizîkî ya rêber Ocalan kir.
Koordînasyona Kongra Star bi boneya roja rojbûna rêber APO peyameke nivîskî weşand û diyar kir ku 4’ê Nîsanê ne tene rojbûnek e.
Kongreyê got:
4’ê Nîsanê têgihîştineke nû, felsefeyeke nû ya jiyanê, formeke nû ya têkoşînê di dîroka berxwedanê de ye.
Rêber Apo bi bilindkirina xebatên azadiya jinan re şoreşa jinan, gengaz kiriye û li tevahiya cîhanê bûye sirûş.
Konga Star bal kşand ser tecrîda li Imraliyê jî û wiha anî ziman:
Têkoşîna me bi giştî ji bo jihevkirina têkbirina tecrîd û êşkenceyê ya li Îmraliyê ye.
Berxwedana me ne tenê ji bo şikandina tecrîdê ye, belê ji bo azadiya bi temamî ye!
RJAK: Rêber Apo jiyaneke nû ji bo hemû mirovahiyê pêşkêş kir
Bi heman boneyê, Rêxistina Jinên Azad ên Kurdistanê RJAK’ê jî daxuyaniyek weşand û got:
Roja 4’ê Nîsanê weke roja vejîn û jidayîkbûna jina azad e.
Her wiha jidayîkbûn û hemû pêngavên Rêber Apo ji bo hemû mirovahiyê mîna derketina rojê û çareseriya bingehîn ya tevayî pirsgirêkên mirovahiyê ye
Rêber Apo di girtîgehê de jî carek din bi şoreşa fikrî ji dayîk bû û jiyanek nû ji bo hemû mirovahiyê pêşkêş kir
NPG: Rojbûna Rêber Apo ne rojbûna kesekî ye.. Ya gel e jî
Her wiha Fermandariya Biryargeha Navenda Parastina Gel NPG’ê jî roja rojbûna rêber APO pîroz kir û got:
Rojbûna Rêber Apo ne rojbûna kesekî ye.
4’ê Nîsanê bi xwe re rojbûna duyem û ya sêyem ava kir. Ango 4’ê Nîsanê rojbûna azadiyê ye.
Bi vî awayî rojbûna yekem bû ya me hemûyan.
Bû rojbûna têkoşîna azadiya Kurdistan û her wiha ya gelan.