Li Efrîn, Babê yên dewleta Tirk dagirkirine, dibistan verguherîne navendên olî ji bo xwendina fikirê tundrew ê Ixwan û Gurên Boz.
Malbatên Kurd jî, bi tirs in ji reftarên zarokên xwe ku bandora fikirê tundrew li wan bûye û dê û bavê xwe bi gawiriyê bang dikin.
Ji dema Dewleta Tirk herêmên Sûrî mîna Efrîn û Bab dagir kirine, dixwaze demogarfiyê biguharîne û fikirê tundrew bisepîne.
Destpêkê zimanê dayîkê yê şêniyên resen rakir mîna Kurdî û Erebî û li şûnê zimanê Tirkî danî.
Bi rêya komeleyên ku qaşo xêrxwaz in, fikirê tundrew belav dikin û di mejiyê zarokên Sûrî de diçînin.
Malpera Afirn Post ragihand ku li fakulteya perwerdeyê ya Efrînê, bi piştgiriya saziya El-Emîn a mirovahî û bi beşdarbûna Gerînendeteya Perwerde û Fêrkirinê ya dewleta Tirk, şahiyek hat lidarxistin.
Li gorî malperê, di şahiyê de 162 xwendekarên temenên wan di navbera 8-15 salî bûn û Quran ezber kiribûn, hatin xelatkirin.
Welateyekî ji gundê Merata ku nexwest navê xwe eşkere bike, anî ziman ku zarokên wî dibêjin heger tu nemêj û rojiyê negire, dê Xwedê te bi agir bişewitîne û ji dê, xwişkên xwe daxwaza nixumandin û lixwekirina destmalê dikin.
Tirkiyaya dagirker ku qaşo bi navê Misilmantiyê bang dike û tiştekî wê û Îslamê bi hev re nîne, bi heman navî sivîlên bêguneh rojane direvîne û dikuje.
Ji bilî ku navendên perwerdeyê dikin çavkaniya fikirê tunderw, Tirkiyê dibistan jî veguherandine girtîgeh, mînaka wî jî Dibistana EL- Kerama ku niha di bin destê qaşo polîsa sivîl a komên çete de ye.
Her wekî Dibistana Fêsel Qidûr a ser rêya Cindirêsê jî, niha navenda Komandos a artêşa Tirk e.
Dewleta Tirk ne tenê li Efrînê, li Babê jî bi heman fikirê tundrew belav dike û ev yek di gelek dîmenan de xuya dibin ku çawa sloganên saziya Gurên Boz a nîjadperestên Tirk ku ji ber tundrewbûna wan li gelek welatan hatine qedexekirin, davêjin.