Parlamentera DEM Partiyê Salîha Aydenîz ku tevlî baskê Wanê yê Meşa Azadiyê bûye derbarê meşê de axivî û got:
“Gel ji dil ve xwedî li vê meşê û çalakiyên li dijî tecrîdê derdikevin.
Ji ber vê yekê ev meşa me ji zû ve gihîştiye armanca xwe.
Bi azadiya birêz ocalan re wê hemû kirîz bên çareserkirin”
‘Meşa Azadiyê’ ku ji bo azadiya fîzîkî ya Rêber Apo di 1’ê Sibatê de li Wan û Qersê destpê kir, di roja 11’an de ye.
Meşevan li her bajarî bi tilîlî, çepik û dirûşman têne pêşwazîkirin.
Parlamentera DEM Partiyê Salîha Aydenîz ku tevlî baskê Wanê yê meşê bûye, li ser meşê axivî.
Salîha Aydenîz diyar kir ku yekane navnîşana çareseriya demokratîk a pirsgirêka Kurd Îmrali ye û got:
“Li seranserî cîhanê, her kesên ku felsefe, îdeolojî, perspektîfa çareseriyê û baweriya Birêz Ocalan a ji bo aştiyê girîng dibînin, ji bo azadiya wî çalakiyan li dar dixin.
Li her deverê ku em tê re derbas dibin gorên kesayetên naskirî, cihên dîrokî ziyaret dikin.
Kesên ku em hevdîtinê bi wan re dikin dibêjin ku ew meşê dişopînin û jê kêfxweş in.
Ji vê yekê tê fêmkirin ku gelê me li benda pêngaveke wisa bû.
Gel ji dil ve xwedî li vê meşê û çalakiyên li dijî tecrîdê derdikevin.”
Salîha Aydenîz: Meşa Azadiyê ji zû ve ye gihîştiye armanca xwe
Salîha anî ziman ku diyarî têne dayin ku ew bigihînin Îmraliyê û wiha got:
“Mirov gore û lepikên bi xwe çêkirine, zarok pêlîstokên xwe, diyariyan didin me ku em bigihînin Îmraliyê.
Ji ber vê yekê ev meşa me ji zû ve gihîştiye armanca xwe.
Rastiyeke sîstemê heye ku îro veguheriye krîz û kaosê, bi xwe re şer û tûnehesibandinê tîne.
Lê perspektîfa ku Birêz Ocalan daniye holê ji bo gelan, jinan û baweriyan sîstemeke ji rêveberî û jiyaneke hevpar e.
Rojava mînaka dawî ya vê yekê ye.”
“Bi azadiya birêz Ocalan re wê hemû kirîz bên çareserkirin”
Parlamentera DEM Partiyê di dawiya axavtina xwe de diyar kir ku çareseriya hemû kirîzan bi misogerkirina azadiya Birêz Ocalan û hevdîtina bi wî re pêkan e.
Meşa dirêj a ji Parîsê ber bi Starsboûrgê ve di roja 6. de ye
