Li nava cîhanê bertekên li dijî Moskow zêde dibe. Amerîka dibêje ji bo dadgehkirina sucdarên komkujiya li Buça ew ê bi cîhan ê re bibin yek. Brîtanya bang li NATO dike ku tevahî pêwistiyên Ûkrayna bide. Ji Fransa, Îtalya û Danîmarka jî gavek din a pêkanîna cezayên li dijî Ûkrayna derket. Welatên navborî, 75 dîplomat û sixurên Rûsya ji welat dersînor kirin. Ûkrayna dixwaze di nava hefteyê de cezyên tundtir li ser Rûsya bêne ferzkirin.
Ji nava Ûkrayna û welatên rojava, li dijî komkujiyên artêşa Rûsya li bajarê Buça pêk aniyê bertek zêde dibin.
Wezîrê Derve yê Ûkraynayê Dmitro Kuleba diyar kir ku delîlên li Buça yê tenê “ruyê qeşayê yê tê xuyakirin e”.
Kuleba li paytexta Polonyaya Warşowaya di dema hevdîtina xwe ya li gel hempîşeya xwe ya Brîtayna Liz Truss de civîneke çapemeniyê lidarxist û got:
Ev yek nîşan dide ku divê cezayên tund li ser Rûsya bêne ferzkirin.
Cezayên nivçû êdî bitêrê nake.
Ez dixwazim di nava vê hefteyê de cezayên herî tund li ser Moskow bêne ferzkirin.
Banga Brîtanya bo NATO: Tevahî tiştên ji bo Ûkrayna pêwist bidin ê
Serokwezîrê Brîtanya Boris Johnson bang li NATOyê kir û got,
“Hemû tiştên ku ji bo Ûkrayna pêwiste, bidin ê.”
Boris Johnson bi wesîleya 73. salvegera damezrandina NATOyê daxuyaniyeke nivîskî weşand.
Johnson diyar kir ku berpirsyariya NATO’yê ye ku li hemberî “hewldana hovane ya ji bo bindestkirina gelê Ûkraynayê” her tiştî bide Ûkraynayê.
Biden ji ber sucên şer banga dadgehkirina Putin kir
Serokê Amerîkayê Joe Biden dema ji eyaleta Delaware vegeriya Washingtonê ji rojnamevanan re axivî.
Biden ji ber “sucên şer” daxwaza darizandina Serokê Rûsyayê Vladimir Putin kir.
Biden anî ziman ku ew ê cezayên nû li ser Rûsyayê bisepînin.
Sullivan: Em ê bi cîhanê re bibin yek û hesab bixwazin
Şêwirmendê Ewlekariya Netewî ya Amerîkayê Jake Sullivan, weke mêvanê civîna çapemeniyê ya rojane ya Berdevka Koşka Spî Jen Psaki, derbarê şerê Rûsya û Ûkraynayê de nirxandin kir.
Sullivan derbarê komkujiya li Buça de got:
“Em berê gihîştibû wê encamê ku Rûsya li Ûkraynayê sucên şer pêk anîne.
Agahiyên ku me ji bajar bi dest xistine delîlên din ji bo vê yekê nîşan didin.
Emê bi cihanê re bibin yek û hesabê vê yekê bixwazin.”
Fransa, Îtalya û Danîmarka 75 dîplomat û sîxurên Rûsya dersînor kirin
Di vê navberê de, ji Fransa, Îtalya û Danîmarka helwestên tund li dijî Rûsya hatin nîşandan.
Fransa 35, Îtalya 30 û Danîmarka jî 15 dîplomat û sîxurên Rûsya dersînor kirin.
