Di konferansa 3. a YPJ’ê derbarê rewşa siyasî, rêxistinî û pratîkî de nirxandin û perspektîfên girîng derketin holê.
Konferaans îro bi encamnameyekê bi dawî bû.
Di encamnameyê de jî hate gotin: Bi şervanên profesyonel dê azadiya tevahî jinan û parastina axê teqez bike.
Konferansa 3. a Yekîneyên Parastina Jin YPJ’ê ku du rojan dewam kir, bi encamnameyekê bi dawî bû.
Endama Fermandariya Giştî ya Hêzên Sûriya Demokratîk QSD’ê Newroz Ehmed encamname xwend.
YPJ`ê destpêkê 1`ê Gulanê Cejna Karkeran a Cîhanî li jinan pîroz kir û anî ziman ku ew şopdarên jinên kedkar ên cîhanê ku di oxira azadiyê de bedelên giranbiha dane.
YPJ’ê diyar kir, wan di konferansê de kar û xebatên xwe yên 3 salan bi awayekî berfireh nirxandin e û li gorî wê jî ev encamname ragihand.
Encamnameya Konferansa 3. a YPJ: Bi şervanên profesyonal dê azadiya tevahî jinan teqez bikin
YPJ’ê ku îlhama xwe ji mîrateya giranbiha ya gerîlayên jin digre, îro li Rojavayê Kurdistan û Sûriyê bûye hêza parastina hemû jinan.
Jinên enternasyonal jî ji vê îlhamê bandor bûne, beşdarî nava refên YPJ’ê bûn.
Di roja îro de gef û êrişên giran hene, lê ji bo em bikarin van êrişan têk bibin û xwe jê re amade bikin, ev konferans xwedî girîngiyek dîrokî bû.
Îro em di navenda şerê cîhanê yê sêyemîn de cihê xwe digirin û wek hêzeke diyarker rol dilîzin.
Ji bo em karibin herêma xwe ji dagirkeriyê biparêzin û statûya rêveberiya xweser a Bakur û Rojhilatê Sûrî li seranserî cîhanê bê naskirin, her wiha yekbûneke xurt bi tevahî jinên Rojhilata Navîn û cîhanê re ava bikin, pêdiviya me bi xweparastinê heye.
Ev yek jî ancax bi stratejiya şerê gel ê şoreşgerî pêk bê.
YPJ`ê da zanîn ku di konferansê de gelek analîz û perspektîfên xurt derketin û wiha dewam dike:
Di çarçoveya pêngava ji nû ve avakirinê de jî wan pergala YPJ’ê di ber çavan re derbas kir.
Bi şêwazê tîmên bitevger ên profesyonel xwe bi rêxistin kirin, dê azadiya tevahî jinan û parastina axê teqez bike.
Ji bo em karibin teknîk û taktîkên dijmin têk bibin, xakên xwe yên dagirkirî rizgar bikin û azadiya jinan misoger bikin; konferansa me ev mijar tevahî bi israr û biryardariyeke xurt xiste bin biryaran.
YPJ’ê dawiyê de konferansa xwe li şehîdên şoreşê, dayikên şehîdan û tevahî jin pîroz kir û soza azadî û serkeftinê da.
