Înglistan di mijara koçberan de, çareseriyê ji derve dibîne.
Rêveberiya welat koçberên ku bi rêya qaçaxî derbasî welat dibe wê bişîne Rûandayê.
Tevî saziyên sivîl û NY li dijî vê yekê der dikevin jî lê Brîtanya ji ya xwe danakeve.
Koma yekemîn a koçberan wê sibe ji bo Rûandayê bê şandin.
Serokwezîrê Îngilîstanê Borîs Johnson di Nîsana borî de daxuyaniyek dabû û diyar kiribû wê Îngilîstan hemû kesên derqanûnî ketine welat bişîne Rûandayê.
Hikûmeta Johnson ya muhafezekar soz dabû ku di berdêla koçberan de alîkariya Rûanda bike ku pêş bikeve.
Tevî nerazîbûnên tund ên opozîsyon, rêxistinên sivîl û Neteweyên Yekbûyî, hikûmeta Johnson di hefteyên dawî de hemû amadekariyên pêkanîna vê planê temam kirin.
Di çarçoveya plana ku hikûmeta Rûandayê qebûl kiriye de, 14’ê Hezîranê roja Sêşemê wê koma yekem a ji 30 koçberan bi rêya hewayî ber bi Rûandayê ve were şandin.
Rûanda: Îngîltere bi qasî dixwaze dikare koçber bişîne
Hikûmeta Rûanda ku ji bo her koçberek wê alîkariya pere werbigre, ragihand ku ew jî vê planê qebûl dikin.
Rayedarekî Wezareta Edaletê ya Raunda ji medyaya Îngilîstanê re axivî û got,
“Îngilîstan li gorî peymana ku me di çarçoveya dostaniyê de çêkiriye, çiqas bixwaze dikare bişîne.
Kapasîteya me têra vê yekê heye, dibe ku ev hejmar bibe deh hezar.”
Koçberên ku ji sersalê ve bi rêyên neqanûnî xwe gihandine Îngilîstanê wê ji niha û pê ve wê ji bo Rûandayê bêne şandin.
Sê rêyên li pêşiya koçberên ku serdana wan nehatîn erêkirin
Kesên ku bersiva erênî werbigirin wê bi piştgiriya hikûmeta Îngilîstanê li Rûandayê pakêteke piştgiriyê ya 5 salan bi hemû mafên kar, jiyan, tenduristî û perwerdehiyê bidin wan.
Kesên ku serlêdana wan a koçberiyê bê redkirin, wê sê bijarde werin pêşkêş kirin.
Ew jî;
Li Rûandayê statûya koçberiyê distînin.
Vegera li welatê xwe.
Şandina wan a bo welatekî din ku mafê rûniştinê lê heye.
Serokwezîrê Îngilîstanê Boris Johnson ji ber dadgeha Îngîlîz plan erê kir bi kêfxweşî pêşwazî kir.
Lê berevajî gotinên Johnson, rêxistinên mafên mirovan raporek baş nadin hikûmeta Rûandayê.
Tê diyarkirin ku hikûmet bi taybetî zextê li komên mûxalîf û homoseksuelan dike.
NY: Îngilîstanê peymana penaberan binpê kiriye
Her wiha Komîseriya Bilind a Penaberan a NY ku bi tundî li dijî plana şandina koçberan bo Rûandayê radiweste.
Komserî balê dikişîne ser wê yekê ku Îngilîstan bi vê planê xwe ji berpirsyariya dayîna mafê penaberiyê xilas kiriye û Peymana Penaberan binpê kiriye.
