Di pirsgirêka li xetên boriyên Nord Stream 1 û 2 de, Almanya ji niha de sar kiriye.
Hikumeta Berlîn ji bo parastina elektirîk, xetên telefon û înternetê jî tevdîr zêde kirine. Di vê navberê de, hikumeta Moskow tewambariyên ku wan bi zanabûn gaz qutkiriye jî red kir.
Ev der, Derya Baltîk e.
Furandina ava li vir, ji ber pirsgirêka di xetên boriya Nord Stream 1 û 2 yên gaza xwezayî derbasî Almanya dike ye.
Beriya sê rojan hat îspatkirin ku gaz di ber boriyan re diçe.
Pisporan tespît kirin ku piştî du teqînan gaz ji ber çû.
Li sê nuqteyên cuda yên li nêzî Girava Bornholmê ya li Danîmarkayê hîn jî gaz ji xetên lûleyê diçe.
Hem hikumeta Alman hem jî Yekîtiya Ewropayê bi daxuyaniyan ragihandin ku bûyer ji ber sabotajê bûye.
Hin ji siyasetmedar û pisporên rojavayî jî Rûsya sûcdar kirin.
Wezîrê Karê Derve yê Polonyayê Zbigniew Rau got,
Li pişt xetimîn û pirsgirêka li boriyên Nord Stream Rûsya heye.
Lê belê rêveberiya Moskowayê sûcdarî qebûl nekir û destnîşan kir ku rawestîna gaza ber bi Ewropayê ve bi ti awayî bi kêrî Rûsyayê nayê.
Hikumet: Gef li ser binesaziya krîtîk heye
Piştî bûyerê, hêzên ewlekariyê û yekîneyên îstîxbaratê yên Alman ên li Derya Baltik tedbîr zêde kirin.
Eşkere bû ku Wezareta Karên Hundir ne tenê têkildarî xeta gazê, her wiha têkildarî xetên elektrîk, telefon û înternetê jî bi fikar in ku êrîşên sabotajê bêne kirin.
Rojnameya Bîldê ragihand ku Wezîra Karên Hundir Nancy Faeser gelekî bi fikar e ku êrîşeke nû bê kirin.
Rojnameyê diyar kir, yekîneyên ewlekariyê ku di wê baweriyê de ne gefeke metirsîdar li ser binesaziyê heye, dema dawî tedbîr zêde kirine.
Li gorî rojnameyê wezîr Faeser got,
“Divê em li ser wan senaryoyan bixebitin ku beriya demeke kurt nedihate texmînkirin.”
Hate ragihandin ku ji bo xurtkirina ewlekariya sîber, şîrket, saziyên mezin û daîreyên dewletê jî tedbîr zêde kirine.
