Tevî erdheja li gelek bajarên Tirkiyê û Bakurê Kurdistanê rû da, dewleta Tirk êrişên xwe li ser herêmên Bakur û Rojhilatê Sûriyê ranewestandine.
Dewleta Tirk a dagirker di hefteyekê de 4 êrişên bejahî û hewayî li ser herêmên bakurê Sûriyê pêk anîn.
6 û 7’ê Sibatê dewleta Tirk a dagirker derdora bajarokê Til Rifetê yê Şehbayê topbaran kir.
9’ê Sibatê gundên Seyda, Xalidiyê, bajarokê Hîşe yên navçeya Eyn Îsa û rêya M4 bombebaran kirin.
11’ê Sibatê gundên Tîba û Xalidiyê yên Eyn Îsayê bi çekên giran dan ber topan.
Duh jî balafireke dewleta Tirk a bê mirov di seatên ber bi êvarê de, li Kobanê erebeyek bombebaran kir, di encamê de welatiyek şehîd bû.
