Bi armanca piştgiriya jinên Şengal û Efganistanê li Reqayê Foruma Piştgiriya Jinên Şengal û Efganistanê hate lidarxistin.
Di forumê de bang li hemû jinan hate kirin ku li hember dijmin yekîtî û rêxistinbûna xwe xurt bikin.
Forum bi dirûşmeya ‘Em li dijî qirkirina jinan jiyaneke azad biafirînin’ hate lidarxistin.
Forum li hola zanîngeha Şerq a li Reqayê bi beşdariya nûnerên YPJ, Kongra Star, Yekîtiya Jinên Êzidî û gelek jinên din pêk hat.
Di forumê de,
“Qirkirina jinan li ser asta Cîhanê’, Qirkirina jinan li Rojhilata Navîn-Efganistan wekî nimûne’ , ‘Qirkirin û berxwedana jinên Êzidî’ û riyên Çareseriyê hatin nîqaşkirin.
Di forumê de jinên axivîn diyar kirin ku li seranserî Cîhanê di hemû şeran de yên herî êş û azara dikşînin jin in û wiha gotin:
“Herî dawî li ser destên çeteyên DAIŞ’ê li Şengalê bi hezaran jinên Êzidî hatin revandin, kuştin û li bazaran hatin firotin.
Li Efganistan û Îranê jî, jin di heman tiştî re derbas bûn, lê bi rengekî dîtir.”
Bal hate kişandin ser rewşa jinên li Tirkiyê jî û ev yek hate gotin:
“Rewşa jinê li Tirkiyê jî ne baş e, hikûmeta Erdogan herî dawî ji peymana Istanbûlê ya ku li dijî tundiya li dijî jinê û tundiya malbatê disekine vekşiya.
Bi vê yekê re, rê li ber mafên herî biçûk yên jinan hate girtin.”
Di forumê de Sinevizyon derbarê hejmara jinên ku li seranserî Cîhanê hatin kuştin û yek jî li ser berxwedaniya jinên Efganî hatin pêşandan.
Beşdarên forumê diyar kirin ku ew li hev kom bûne ji bo ku bighêjin çareseriyekê ji pirzgirêkên jinan re.
Her weha bang li tevahî jinan kirin ku yekîtiya xwe ava bikin û li hember dijminên xwe bisekinin.
Forum bi encam
Foroma Piştgiriya Jinên Şengal û Efganistanê bi encamnameyekê bi dawî bû.
