Civata Aborî ya Dewletên Rojavayê Afrîkayê (ECOWAS) ji bo helwesta xwe ya dawî li dijî cûnta li Nîjerê diyar bike civiyan.
Civatê biryara danûstandina bi derbekerên li Nîjerê re da.
Îhtimala destwerdana leşkerî wekî Plana B hate nirxandin.
Civata Aborî ya Dewletên Rojavayê Afrîkayê (ECOWAS) biryar da ku ‘Hêzên Demkî’ ji bo vegerandina sîstema destûrî ya li Nîjerê çalak bike.
ECOWAS: Vebijêrka leşkerî û dîplomasî li ser masê ye
Li gor biryara ku di lûtkeya lîderên welatên rojavayê Afrîka ya li paytexta Nîjerya Abujaya hat girtin de, ECOWAS ferman da wezîrên parastinê yên welatên endam Hêzên Yedek amade bikin.
Li gorî Reuters, ECOWAS ji aliyên têkildar re ragihand “ew dixwaze demokrasî bi aştiyane vegere, lê hemî vebijark, tevî hêza leşkerî, li ser masê ne”.
ECOWAS ê li ser bicihkirina hêzên destwerdana leşkerî piştî civînê hûrgilî nedan.
Hêzên ku qala wan tê kirin, 2003 derbasî Fîl û Lîberya, 2012’an Gîne Bîsau û 2013’an jî derbasî Malî bûn.
Ev hêz ji welatên endamên ECOWAS pêk tên û weke hêzên aştiyê tê dîtin.
Ji bo ku hêzên ECOWAS destwerdana welatekî bikin, divê ew bi hev re ji hêla blokê ve were erêkirin.
An jî ji hêla Yekîtiya Afrîkayê ve bêne destnîşankirin.
Serokomarê Nîjer Mihemed Bazûm 26’ê Tîrmehê de bi rêya darbeya cûnta leşkerî ji erk hate girtin.
Ji komîsyona ECOWAS’ê daxuyanî
Li ser daxwaza zelalkirinê, Serokê Komîsyona ECOWAS Omar Alieu Touray got;
Tenê “karbidestên leşkerî yên li jêr-herêmê dikarin biryara xwe ya şandina hêzek yedek ji civakê piştrast bikin.”
9 Welatên endamên ECOWAS beşdarî civînê bûn
Ji 11 serokên dewletan ku tê payîn beşdarî civînê bibin 9 kes amade bûn.
Di civîna ku li çapemeniyê girtî pêk hat de, lîderên Morîtanya û Burundî yên ku ne-endamên ECOWAS’ê ne jî cihê xwe girtin.
Serokê Nîjeryayê Bola Ehmed Tinubu ku serokatiya blokê dike, beriya beşa girtî ya civînê got,
“Pir girîng e ku danûstandin û diyaloga dîplomatîk bingeha nêzîkatiya me pêk bîne.”
ECOWAS nekarî pêşî li darbeyan bigre
ECOWAS’ê li herêmê di pêşîgirtina li darbeyên berê de serketî nebû.
Di nava sê salên dawiyê de, li 15 welatên endamên blokê darbe pêk hatin.
Nîjera ku nêzî 25 mîlyon welatiyên xwe heyî, bandora cezayên ji derve di her warî de hîs dikin.
Li hin taxên paytext Niameyê elektirîk tune û li seranserê bajêr gelek caran jî qut dibe.
Welat ji sedî 90 elektrîka xwe ji Nîjeryayê werdigire.
Li aliyê din Nîjeryayê ji ber derbeyê şandina elektirîkê bû Nîjerê qut kir.
