Rûsya bi roket û balafirên bêmirov êrişî bajarê Odessa ya li başûrê Ukraynayê kir.
Li bajêr gelek teqîn çêbûn. Serokomarê Ukraynayê Zelensky ragihand ku ew ê bersiva êrîşan bidin.
Rûsyayê tevahiya şevê bi roket û balafirên bêmirov êrîşî bajarê bendera Odessa ya li başûrê Ukraynayê kir.
Li gor nûçeyên çapemeniya Ukrayna, pergalên parastina hewayî yên bajêr ji bo tinekirina êrîşan hatin aktîfkirin.
Hat ragihandin ku li bajêr gelek teqîn çêbûn.
Rayedarên Ukraynayê eşkere kirin ku di êrîşan de herî kêm 3 kes birîndar bûne.
Peymana Korîdora Genim ya par di navbera Rûsya û Ukraynayê de bi pêşengiya Neteweyên Yekbûyî (NY) û Tirkiyê hatibû îmzekirin, ji aliyê Moskowê ve nehat dirêjkirin.
Peyman 17’ê Tîrmehê bi dawî bû.
Piştî vê, hêzên Rûsyayê êrîşên xwe zêde kirin.
Taybet jî di armanca van êrişan de, benderên Ukrayna hene.
Rûsya herwiha gefa kontrolkirin û astengkirina her keştiyeke ku ber bi bendera Ukraynayê ya li Deryaya Reş ve diçe, dike.
Moskow diyar kiribû ku ew ê her keştiyekê vê hişyariya wan berçav negire, weke barhilgirek çek û alavên bo Ukrayna diçe bibîne û bike armanc.
Doh keştiya barhilgir a Tirkiyê ya bi navê Sukru Okan a bi ala Palauyê bi guleya hişyariya Rûsyayê hatibû rawestandin.
Piştî kontrolên hêzên leşkerî yên Rûsyayê keştiyê karibû rêya xwe bidomîne.
Li bajarê Xersonê 7 kes mirin
Hat ragihandin ku di nav miriyan de pitikek 3 hefteyî, zarokek 12 salî û malbatek ji 4 kesan jî hene.
Lîderê Ukraynayê Zelenskiy ji ber êrîşên li dijî sivîlan gef li Rûsyayê xwar ku dê bersivê bide.
Serokomarê Ukraynayê Volodymyr Zelensky di peyameke vîdyoyî de ku şevê din belavkirî de, gef li Rûsyayê xwar ku bersiva êrîşên li ser sivîlan bide.
Zelensky got:
“Her dagirker dagirkerek yê tê kuştin, her baregeh û navendên tê şewitandin, êrişên li ser pira Kirimê û hîn zêdeir…
Ev nîşan in ku em ê ti êrîşek ji hêla Rûsyayê ve bêbersiv nehêlin.”
