Li Rûsya û cîhanê, mirina lîderê Wagner Prigojin hîna yekm ji rojeva herî sereke ye.
Heta niha jî beşeke mezin ji Rûsya îdia dikin ku Prigojin ne miriye.
Koma Wagner jî dimenê herî dawî yê Prigojin ê beriya mirinê parvekir.
Prigojin di wê dimenî de carke din jî qala gefên li ser xwe û ewlehiyê dike.
Dîmenên lîderê koma çekdarên Wagner Yevgeny Prigojin ku çend roj beriya mirina wî yên dema li Afrîkayê bû, hatin weşandin.
Di vîdyoyê de, Prigojin behsa hewildanên berovajîkirina li ser tenduristî û xetereyên gengaz ên li ser ewlehiya xwe dike.
Prigojin di kurte vîdyoyek ku ji hêla kanala Telegramê ya Wagner’s Grey Zone ve hatî weşandin de dibêje:
“Ji bo kesên ku nîqaş dikin ka ez sax im, ez çawa dikim, ez niha dawiya hefteyê, nîvê duyemîn a Tebaxê 2023’an li Afrîka me.”
Lîderê Wagner dibêje,
“Ji bo kesên ku dixwazin min tasfiye bikin an qala jiyana min a taybet bikin, ez çiqas qezenc dikim an tiştek din, her tişt baş e.”
Der barê cih û dîroka vîdeoya ku di wesayiteke tevgerê de hatiye kişandin de agahî nehatin parvekirin.
Prigojin ê ku dema balafira taybet a ji Moskowayê diçû St. Petersburgê li nêzî Tverê ket.
Roja Sêşemê jî li goristana Porokhovskoye ya li bajarê wî St Petersburgê hate veşartin.
Îstîxbarata Amerîkayê îdia dike ku balafira ku Prigojin jî di nav de bû, bi zanabûn hatiye xistin.
Heta niha jî sedema ketina balafirê nediyar e.
Lê gundiyên nêzîkî cihê bûyerê ji Reutersê re gotine wan dengê teqînekê bihîstiye û piştre dîtiye ku firoke li erdê ketiye.
Serokê Rûsyayê Vladimir Putin, îdiayên ku dibêjin wî Prigojin kuştiye red dike.
