Serokê Rûsyayê Putin û Lîderê Koreya Bakur Kim li hev civiyan.
Kim îşaret bi şerê li Ukrayna kir û got: Moskow têkoşîneke pîroz dide meşandin û li dijî emperyalîzmê em bi were ne.
Beriya civîn pêk were Koreya Bakur moşekek nû ceriband.
Serokê Rûsyayê Vladimir Putin û Lîderê Koreya Bakur Kim Jong Un li Vostoçnî civiyan.
Herdu rêberan demeke dirêj li ber kamerayan destên hev hejandin.
Kim Jong-un bal kişand ser şerê li Ukraynayê û got:
Moskowayê dest bi şerê pîroz kiriye û di têkoşîna li dijî emperyalîzmê de em ê her tim piştgiriyê bidin wan.
Ajansa Nûçeyan a Rûsî TASS ragihand ku hevdîtina Putin û Kim nêzî du saetan dewam kir.
Kim di beşa civîna dualî ya ku ji çapemeniyê re vekirî de got,
“Rûsya ji bo serwerî û ewlehiya xwe dest bi têkoşîneke pîroz kir.
Em ê her tim piştgiriyê bidin biryarên Serok Putin û rêvebiriya Rûsyayê.
Di têkoşîna li dijî emperyalîzmê de em ê bi hev re bibin.
Putin da xuyakirin ku ew ji daxuyaniyên Kim keyfxwşin û ev tişt anî ziman:
“Divê em li ser hevkariya aborî û mijarên mirovî biaxivin.
Gelek pirsên me hene.”
Di rojeva Putin û Kim de mijara çekan li pêş e
Li ser pirsa di rojeva we ya nîqaşê de wergirtina çekan wê hebe, Putin bersiva, ew ê “hemû mijaran” biaxivin da.
Berdevkê Kremlînê Dmirty Peskov jî diyar kir ku di hevdîtinê de yek ji mijarên ku wê li ser were axaftin hevkariya leşkerî ye.
Beriya hevdîtian Kim û Putin Koreya Bakur moşekek ceriband
Beriya hevdîtina Pûtîn û Kîm, Koreya Bakur moşekeke nû ya balîstîk ceriband.
Di daxuyaniya Sererkaniyê ya Koreya Başûr da hat diyarkirin ku 2 moşekên balîstîk ên menzîl kurt ber bi rojhilatê va hatin avêtin û ketin behrê.
Koreya Başûr ceribandina moşekê şermezar kir.
Kim yê beriya niha tenê carekê di Nîsana 2019’an de serdana Rûsyayê kiribû û li Vladivostok bi Putin re civiyabû.
Wê demê tiştek ji hevdîtina Putin-Kim ya bernameya nukleerî ya Koreya Bakur hat nîqaşkirin, derneket.
