Li ser felaketa Lîbyayê re deh roj derbas bûye lê heta niha jî rêjeyeke rast nehatiye parve kirin.
Koordînasyona Karên Mirovî ya Neteweyên Yekbûyî (OCHA) dibêje 11 hezar û 300 kes mirine.
Lê hikumeta Lîbyayê dibêje nêzî 3 hezar kes mirine.
Berdevkê Heyva Sor a Lîbyayê Şukrî ragihand, daxuyaniya Koordînasyonê dûrî rastiyane.
Heta niha jî lêgerîna windahiyan dewame.
Deh roj li ser felaketa lehiyê ya li Lîbyayê re derbas bûye.
Heta niha jî lêgerîna li windahiyan didome.
Gelek caran jî li ser encama felaketê daxuyanî têne dayîn.
Daneyên NY û hikumetê jihev nagire
Lê daneyên Neteweyên Yekbûyî û hikûmeta herêmî li ser hejmara qurbaniyên felaketa li Lîbyayê ji hev cuda ne.
Li gor daneyên hikûmetê nêzî 3 hezar kes mirine.
OCHA: 11 hezar û 300 kes mirine
Lê Buroya Koordînasyona Karên Mirovî ya Neteweyên Yekbûyî (OCHA) dibêje 11 hezar û 300 kes mirine.
Her wiha 10 hezar û 100 kes jî winda ne.
Şukrî: Rêjeya koordînasyonê eşkere kirî dûrî rastiyane
Berdevkê Heyva Sor a Lîbyayê Tevfîk Şukrî ragihand ku daxuyaniya Koordînasyonê dûrî rastiyane.
Şukrî diyar kir ku wan ev hejmar eşkere nekir û got:
“Ev yek rewşê aloz dike, bi taybetî ji bo malbatên kesên winda ev agahiyeke nebaşe.”
Her wiha Şukrî daxuyaniyên Heyva Sor a Lîbyayê ya ku dibêjin 2 hezar cenaze ji ber lehîyê cûne Behra Spî derewand û got:
“Ev daxuyanî ji aliyê me ve nehatiye weşandin û me temsîl nake.”
Meclisa Şaredariya Derna jî bang li welatiyan kir, avahiyên ku zirar dîtine tomar bikin.
Bethiliy: Krîza heyî ji hêza derfetê ya Lîbya bêtir e
Nûnerê Taybet ê Lîbyayê yê Neteweyên Yekbûyî (NY) Abdullah Bathiliy êvara Şemiyê çû serdana bajarê Derna yê.
Bathiliy piştî serdanê diyar kir ku qeyran heyî zêdetirî asta rêveberiya Libyayê ye.
Bathiliy destnîşan kir ku Neteweyên Yekbûyî qadê dişopîne û got:
“Tîma NY’yê ji bo ku alîkariyên pêwîst ji kesên hewcedar re peyda bike xebatên xwe didomîne.”
Li Lîbyayê qeza: Ji tîmên Yewnan 5 kes mirin
Heta niha li gelek welatên cuda ji bo alîkariya Lîbyayê alîkarî hatine şandin.
Yek ji van welatan jî Yewnanîstane.
Tîma rizgariyê ya Yewnanîstanê dema ku diçû Dernayê qeza kir.
Di encamê de 5 endamên tîmê û 3 welatiyên Lîbyayî mirin.
Li Lîbyayê bobelat: Li Derna bêtirî 11 hezar cenaze hat dîtin
