Balafirên dagirkeriya Tirkiyê beriya çend demjimêran careke din li herêma Xanaserê ya girêdayî Dêrikê stasyonê avê bombebaran kir
Di heman demê de gûndê Mêrga Mîra ya ku nêzî Qereçoxê 3 caran bombebarankirin.
Kobanê-Nexweşxaneya Corona û kargeha betonê kirin armanc
Her wiha balafirên şer ê dagirkeriya Tirkiyê beriya nîvsaetê bajarê Kobanê Kaniya kurdan, kargeha betonê, nexweşxaneya corona û daristana Kobanê bombebaran kir.
Ji aliyeke din dagirkeriya Tirkiyê embarê genim ê Amûdê jî bombebaran kir.
Gundewarê Eyn îsa û rêya M4 hate topbarankirin
Gundê Mixlat a girêdayî Tirwaziyê ku dikeve rojhilatê Eyn Îsa jî bi dijwarî obûsan ve topbaran kir.
Dewleta Tirk a dagirker, navenda bajarê Eyn Îsa, gundên Hoşan, Xalidiyê, Mişêrfa derdora Xwaringela El-Seqir û rêya M4 bi çekên giran ve dijwarî topbaran kir
Gundê Şêx Elî û Um El Xêr ê Til Temirê hate topbarankirin
Deweleta Tirk a dagirker gudnê Şêx elî Um El Xêr ê dikeve rojavayê navenda navçeya Til Temirê bi çekên giran topbaran kir.
Seranserê xeta Şehba, Şêrewa û Şera hate topbarankirin
Artêşa dagirker liseranserê xetên Şehba, Şêrewa Şera gundê Meranazê, malikiyê, Şêwarqa, Tat Maraş, Kefer Entum, Bênê, Soxanekê, Aqîbê, Meyasê,Kilotê, Dêrjimil, û Derdora Til Rifat, Balafirgeha Miniq, Beluniyê, Eyn deqnê jî topbaran kir.
Bi dehan stasyonên avê, kehrebê, petrolê û nexweşxane hatin bombebaran kirin
