Li Brukselê lûtkeya lîderên YE li ser rewşa Xezayê pêk hat.
Di lûtkeyê de careke din nêrînên cuda derket.
Lê di dawiyê de lîderan li hevkirin ku bang li Îsraîlê bikin ku destûrê bide derbasbûna alîkariyan.
Di roja 20’an a êrişa Hemasê li ser Îsraîlê re, Lîderên 27 welatên Yekîtiya Ewropa (YE) di lûtkeyekê de civiyan.
Lîderên doh li Bruksekê civiyayîn hewl dan helwesteke hevbeş derbarê nakokiyan de diyar bikin.
Li gor nûçeya ajansa dpa ya Almanî, welatên YE di pêşnûmeya daxuyaniya encamên lûtkeyê de lihevkirinek pêk hat.
Lîderan ji Îsraîlê xwestin ku rê bide derbasbûna alîkariyên mirovî bo Xezayê.
Hat ragihandin ku di pêşnûmeyê de banga avakirina korîdorên mirovî û rawestandina şer hate kirin.
Deklerasyona dawî wê di dawiya civîna bilind a lîderên Yekîtiya Ewropayê de were eşkerekirin.
Dewletên Yekbûyî yên Amerîkayê (DYA), Îsraîl û gelek welatên YE bi hinceta ku “tenê bi kêrî Hamasê tê” li dijî ragihandina “agirbestê” derdikevin.
Van welatan formula “rawestandina şer” ya demkurt ji bo peydakirina hewcedariyên bingehîn ên gelê sivîl li Xezayê diparêzin.
Di nava YE nêrînên cuda
Êrişên Îsraîl yên li ser binesaziya Xezayê bû sedema nîqaşan a di lûtkeya lîderan de.
Serokwezîrê Almanyayê Olaf Scholz di lûtkeyê de axivî û diyar kir ku “Îsraîl welatekî demokratîk û xwedî prensîbên mirvvî ye.”
Serokwezîrê Hollandayê Mark Rutte jî diyar kir ku ew di esasê xwe de piştgiriya helwesta Îsraîlê dikin.
Rutte got,
“Em fêm dikin ku heta ku Îsraîl Hamasê tine neke paşeroja wê tune ye.”
Serokwezîrê Belçîkayê Alexander de Croo rexne li Îsraîl û bi taybetî dorpêçkirina Xezayê girt.
De Croo anî ziman ku tu rewatiya astengkirina derbasbûna mirovî ya ji bo Şerîda Xezayê nîne û got:
“Hamasê Îsraîlî dîl girt, lê Îsraîlê tevahiya gelê Xezeyê dîl girt.”
Serokê Konseya YE Charles Michel bang li YE kir ku helwestek hevbeş bipejirîne û got:
“Hinek li cîhanê hewl didin ku YE li hember hin beşên civaka navdewletî berdin hev.”
Tevî rojeva Îsraîl û hemasê, di lûtkeya lîderan de şerê li Ukrayna jî wê were gotûbêjkirin.
