Wezareta Koç û Koçberiyê ya Iraqê ragihand ku 170 Êzidiyên din ji Kampa Şarya ya Dihokê ya Başûrê Kurdistanê vegeriyan Şengalê.
Berdevka wezaretê Îvan Fayîq Cabiro ragihand ku 170 koçberên din ên Êzidî bi dilxwazî ji Kampa Şarya ya li Dihokê vegeriyan Şengalê û gundên wê.
Îvan got:
“Vegera koçberan bi hevkariya hêzên ewlekariyê, hikumetên xwecih ên Dihok û Nînovayê û Fermandariya Operasyonên Hevbeş tê koordînekirin”.
Îvan Fayeq da zanîn ku dê di rojên pêş de hin koçberên din jî ên li kampên Başûr vegerin Şengalê.
Duh jî 487 koçberên Êzidî ji Kampa Şarya ya Dihokê vegeriyabûn Şengalê.
