Pêşhilbijartinên DEM Partiyê yên li gelek bajar û navçeyan didomin.
Di pêşhilbijartinên ji duh heta niha de namzetên 48 navendan diyar bûn.
Delegeyên tev li pêşhilbijartinê bûn diyar kirin ku wan bi demokrasiyê bersiva qeyûman daye.
Her wiha hate diyar kirin paradîgmaya Rêber Abdullah Ocalan îro li hemû bajaran ketiye pratîkê.
Partiya Wekhevî û Demokrasiyê ya Gelan DEM Partî ji bo diyarkirina namzetên hevşarederiyan li gelek navendan pêşhilbijartinan li dar dixe.
Starta pêşhilbijartinan di 13’ê çileyê de hate dayîn.
Li hinek bajaran gel namzetên xwe hilbijartin û li hinek bajaran jî dê îro tura sêyemîn bê lidarxistin.
Di encama dengdayîna gel de heta niha namzetên 48 navend û navçeyan eşkere bûne:
Li navçeyên Amedê û Şirnexê pêşhilbijartin ji nû ve destpê kir
Li 4 navçeyên Amed û Şirnexê pêşhilbijartin ku ji ber pirsgirêkên teknîkî hatibû taloqkirin ji nû ve destpê kir
Tevlîbûneke zêde ji bo hilbijartinan heye û di dema dengdayînê de dîmenên rengîn derdikvein holê.
Delegeyên ku cil û bergên Kurdî li xwe kirin, dengên xwe dan.
Pêşhilbijartina ku li navçeya Cizîr a Şirnexê, li Eywana Dawetê ya Azîzoglû pêk hat,
2 hezar û 433 delege li ser 13 sindoqên hatibûn danîn dengê xwe dan.
Li wir ji Meclîsa Partiyê yê DEM Partiyê Zeyat Ceylan daxuyaniyek da.
Zeyat Ceylan bal kişand ser tecrîda li ser Rêber Apo û destnîşan kir ku muxatabê pirsgirêka Kurd Îmralî ye.
Ceylan destnîşan kir ku ji bo rakirina tecrîda mutleq divê têkoşîneke bê şert û merc were weşandin.
Parlamentera DEM Partiyê ya Dersimê Ayten Kordû jî bal kişand ser tecrîdê û grevên birçîbûnê.
Piştre 8 jê mêr û 4 jê jin bi giştî 12 bernamzetên hevserokatiyê xwe dan naskirin û pêşhilbijartin lidarket.
Kesên tev li pêşhilbijartinê bûn: Dersa demokrasiyê hate dayîn
Li bajarên Sêrt û Elîhê jî ku pêşhilbijartin pêkhat encamên sindoqan eşkere bûn.
Li Sêrtê Safiye Alagaş û Mehmet Kaysî, li Êlihê jî Gulistan Sonuk û Mehdî Oztuzun weke namzetên hevşaredariyê hatin hilbijartin.
Delegeyên li Sêrt û Êlihê tev li pêşhilbijartinê bûn diyar kirin ku wan bi demokrasiyê bersiva qeyûman daye.
Ji delegeyan Mete Basmaci anî ziman ku paradîgmaya Rêber Abdullah Ocalan îro li hemû bajaran ketiye pratîkê.
Pêşhilbijartina namzetên hevşaredariyê ji tura duyemîn re ma
