Pêrezêrê Rêber Apo Îbrahîm Bîlmez li ser helwesta CPT’yê ku neçû serdana Îmraliyê axivî.
Parêzerê Îbrahîm diyar kir ku Helwesta CPT’yê dike ku tecrîd girantir bibe û got: “Ev tê wateya paşguhkirina helwestên derhiqûqî yên Tirkiyeyê.”
Komîteya Pêşîlêgirtina Îşkenceyê ya Ewropayê (CPT) di navbera 13-22’ê sibatê de, serdana Tirkiyê kir serdana hingirtîgehan kir, lê serdana Girtîgeha îmraliyê nekir û vegeriya.
Pêrezêrê Rêber Apo Îbrahîm Bîlmez li ser helwesta CPT’yê ku serdana Îmraliyê nekir axivî.
Îbrahîm Bîlmez balkişand dîroka CPT ku 15’ê Sibatê de serdana tirkiyê kiriye û ev tişt anî ziman:
“Di serlêdana xwe de me jê xwest ku biçe serdana Îmraliyê.
Mê jê xwest ku heke hewce bike bila derheqê Tirkiyeyê de daxuyaniyê bide.
Me gotibû ku Tirkiye bi şîretên CPT’yê nake.”
Hevdîtina CPT’yê: Me fikarên xwe parve kirin
Bîlmez, diyar kir ku di meha çileyê de li Strasbourgê bi CPT’yê re hevdîtin kirine û fikarên xwe yên têkildarî miwekîlên xwe parve kirine û wiha domand:
“Me jê re got ku rewşa agahînegirtina mutleq êdî nema dikare xwe li ber were girtin.
Ev bû 3 sal û fikarên me her ku diçe zêdetir dibin. Îcar ev ne tenê fikarên me ne.
Fikarên gelê kurd jî zêde bûn. Me ev tevahî di hevdîtinê de parve kirin.
Me rewşa li Îmraliyê bi hûr û kûr ji wan re vegot da ku biçin Îmraliyê”
“Çavên xwe li bêhiqûqtiyan digirin”
Bi domdarî Bîlmez destnîşan kir ku nayê qebûlkirin ku CPT neçe serdana Îmraliyê û wiha dirêjî da axaftina xwe:
“Ev bû 3 sal tu kes naçe Îmraliyê û bi tu awayî agahî jê nayên girtin.
Em qala girtîgeheke ku tecrîd li wir veguheriye îşkenceyê dikin.
Demeke ku girtîgeheke wiha heye CPT çawa naçe serdanê?
Bi vê helwesta xwe tenê karê Tirkiyê hêsantir kirin. Çavên xwe li helwestên derhiqûqî yên Tirkiyeyê girtin.”
Îbrahîm Bîlmez: CPT cesaretê dide Tirkiyê
Pêrezêr Îbrahîm Bîlmez, anî ziman ku helwestên CPT’yê cisaretê didin Tirkiyeyê û axaftina xwe wiha qedand:
“Ev rewş, dike ku tecrîd hêj girantir bike û divê dawî li vê rewşê bînin.
Em jî dê di serlêdanên xwe yên ji bo CPT’yê de rexneyên xwe bînin ziman.”
Ji CPT’yê serdana ji bo Tirkiyê: Mêyî biçe Îmraliyê vegeriya
