Hevşaredara Şaredariya Bajarê Mezin a Wanê Neslîhan Şedal ji qada berxwedanê axivî û got:”Êdî kes nikare vîna we xesp bike.
Her wiha hevşaredarê Bajarê Mezin ê Wanê Abdullah Zeydan jî axivî û got:
“Me pir li ber xwe da û em ê sibê kolanên xwe ji çopên qeyûm paqij bikin.”
Hevserokê Giştî yê Partiya Herêmên Demokratîk-DBP Keskîn Bayindir jî anî ziman ku ev hêz û berxwedan bi felsefeya Rêber Apo çêbûye.
Piştî biryara Lijneya Bilind Hilbijartinê-YSK a ji bo dayîna mazbataya Hevşaredarê Bajarê Mezin ê Wanê Abdullah Zeydan, sed hezar kes ji bo pîrozkirina serketinê herikîn Parka Apê Mûsa ya Wanê.
Hevşaredara Şaredariya Bajarê Mezin a Wanê Neslîhan Şedal di pîrozbahiyê de axivî, diyar kir ku ji niha û pê ve tu kes nikare vîna gel xesp bike û got:
“Ev serketin a we ye, ev berxwedan a we ye.”
Abdullah Zeydan: Gelê Kurd rûmeta xwe nîşanî her kesî da
Hevşaredar Abdûllah Zeydan jî anî ziman ku gel rûmeta xwe li hemberî hemû êrîşan parast û ev nirxandin kir:
“Me ji leşxwerên ku çav berdabûn vîna vî gelî re tiştek gotibû.
Bidestxistina her 14 şaredariyan peyamek da cîhanê.
Me pir li ber xwe da û em ê sibê kolanên xwe ji çopên qeyûm paqij bikin.”
Tulay Hatîmogullari: Li Wanê berxwedan bi ser ket
Hevserokê Giştî yê DEM Partiyê Tulay Hatîmogullari jî destnîşan kir ku ew weke hemû hêzên demokrasiyê yên li Tirkiyê, di hesreta welatekî demokratîk de ne û wiha anî ziman:
“Li Wanê berxwedan bi ser ket.
Îro YSK’ê ji xeletiyek pir girîng vegeriya.
Vîna gelê Wanê yê hêja wan ji vê xeletiyê vegerand.”
Tuncer Bakirhan: Em ê li dijî zilmê bi hêz û bi rûmet li ber xwe bidin
Hevserokê Giştî yê DEM Partiyê Tuncer Bakirhan jî diyar kir ku di mîtînga Wanê ya dawî de gel soza her 14 şaredariyan qezenc bikin dabû û soza xwe pêk anîn û got:
“Em ê li dijî zilmê bi hêz û bi rûmet li ber xwe bidin û em ê bi ser bikevin.”
Keskîn Bayindir: Ev hêz û berxwedan bi felsefeya Abdullah Ocalan çêbûye
Hevserokê Giştî yê Partiya Herêmên Demokratîk-DBP Keskîn Bayindir jî anî ziman ku li Wanê hesabên şaş têk çûn û hilweşiyan û got:
“We rûmeta gelê Kurd parast.
Em wek gelê Kurd xwedî rêber, gel û hêzeke mezin in.
Ev hêz û berxwedan bi felsefeya Birêz Abdullah Ocalan çêbû.
Em bi felsefeya Birêz Abdullah Ocalan bi ser ketin.
Em ji vî bajarê berxwedanê dibêjin rojbûna Birêz Abdullah Ocalan pîroz be. ”
Li Wanê berxwedaniya li dijî desterserkirina vîna xwe dewam dike
