Di roja 185 rojan de jî êrîşên Îsraîlê ya li dijî Şerîda Xezayê dewam kir.
Îsraîl ku leşkerên xwe ji Xan Yûnisê ya li Şerîda Xezayê vekişand, peyam da ku amadekariyên operasyona Refahê tê kirin.
Hat diyarkirin ku ji bo destpêkirina operasyonê heta ku xebatên navbeynkariya navneteweyî dewam bikin dibe ku bi mehan bidome.
Wezîrê Parastinê Joav Gallant jî diyar kir ku avahiyên Hamasê yên li Xan Yûnisê hatin rûxandin û artêş ji Xan Yûnisê vekişiya û got: “Wê dem were ku kontrola Hamasê ya li ser Xezayê û tehdîdên wê yên li dijî Îsraîlê biqede.”
Şerê Îsraîl û Hemasê 185 rojin didome.
Leşkerên Îsraîlê di dema serdegirtina bajarokê Tulkerîm ê Şerîa Rojava de binesaziyê zirar dît.
Li gor nûçeya ajansa fermî ya Filistînê WAFAyê leşkerên Îsraîlê bi şev êrîşî bajarê Tulkerîm û Kampa Penaberan a Tulkerîmê kirin.
Buldozerên artêşa Îsraîlê binesaziya wê hilweşand.
Artêşa Îsraîlê êrîşî bajarê Tulkerîm a Şerîa Rojava kirin
Dema ku buldozeran kolana nêzî Mizgefta El-Murabitun xera kir, balafirên keşfê yên Îsraîlê jî li herêmê nizm firiyan.
Li gorî şahidan, leşkerên Îsraîlê beriya ku ji bajêr vekişin, xetên elektrîk, av û telefonê û şebekeya kanalîzasyonê xera kirin û avêtin ser gelek mal û dikanan.
Hat ragihandin ku di serdegirtina ku heta saetên sibê dom kir de di navbera leşkerên Îsraîlê û Filistîniyan de pevçûn derket û dengê teqînan hat bihîstin.
Ji aliyeke din ve artêşa Îsraîlê jî êrîşî Kampa Balata ya Penaberan a li rojhilatê bajarê Nablus û bajarokê Devra yê bajarê Hebronê kir û gelek Filistînî binçav kirin.
Amadekariya operasyona Refahê ya artêşa Îsraîlê
Piştî vekişîna qismî ya artêşa Îsraîlê ji Xan Yûnisê ya li başûrê Şerîda Xezayê, artêşê berê xwe daye Refahê.
Serfermandarê Îsraîlê Herzî Halewî teqez kir ku şerê li Xezayê berdewam dike.
Herzî Halewî da zanîn fermandarên payebilind ên Hamasê xwe li herêma dorpêçkirî vedişêrin û ew ê zû yan dereng xwe bigihînin wan.
Yoav Gallant: Avahiyên Hemasê yên li Xan Yunisê hatin rûxandin
Wezîrê Parastinê Yoav Gallant jî diyar kir ku avahiyên Hamasê yên li Xan Yûnisê hatin rûxandin û artêş ji Xan Yûnisê vekişiya û got:
“Wê dem were ku kontrola Hamasê ya li ser Xezayê û tehdîdên wê yên li dijî Îsraîlê biqede.”
Rojnameya Haaretz a ku li Îsraîlê tê weşandin, ragihand ku vekişîna ji Xan Yûnis dibe ku têkildarî danûstandinên li Qahîreyê yên ku bi navbeynkariya Misir, Qeter û Amerîka’yê li ser agirbest û serbestberdana dîl hatine kirin, be.
Rojnameyê diyar kir ku ger lihevkirin çêbibe, di dema agirbestê de operasyona li dijî Refahê nayê rojevê.
Hejayî bibîrxistinê ye ku ji destpêka şer heya niha li Şerîda Xezayê bi giştî 33 hezar û 91 kes hatine kuştin û 75 hezar û 750 kes jî birîndar bûn.
Arteşa Îsraîlê bîlançoya 6 mehan a şer eşkere kir: 600 leşkerên me hatine kuştin
