Hişmendiya zilamsalar ya ku li Bakur û Başurê kurdistanê hakim, rojane dibe sedema kuştina gelek jinan. Ajansa Jin News’ê daneyên kuştina jinan ya Li Tirkiyê û Bakurê kurdistanê belav kir û diyar kir ku tenê di meha Adarê de 24 jin û 2 zarok hatin kuştin, 24 jin û 2 zarokan jî bi guman jiyana xwe ji dest dane.
Kuştina jinan li Tirkiyê bûyerên rojen e ne.
Piştî ku Peymana Stenbolê hat betalkirin, jin herî zêde ji aliyê mêrên ku bi wan re hatine zewicandin ve tên kuştin.
Sûcên ku di çapemeniyê de nayê dîtin ji yên tên dîtin bêhtirin.
Sedema zêdebûna rêjeya kuştinê jî polîtîkayên bêcezakirinê yên darazê ye.
Li gorî daneyên ku ajansa Jin News’ê belav kiriye, di meha Adarê de 24 jin û 2 zarok hatin kuştin, 24 jin û 2 zarokan jî bi guman jiyana xwe ji dest dane.
Li Kütahyayê 1, Enqere 1, Mugla 1,
Mersîn 2, Bedlîs 1, Îzmîr 1, Edene 1, Stenbol 8,
Erzirom2, Êlih 1, Kocaeli 1, Dîlok 1, Amed 1
Çanakkale 1 û li Enqereyê jî 1 jin hatiye kuştin.
“Sedema sereke yê kuştina jinan hikûmete”
Sûcê kuştina jinan ne tenê li Tirkiyê li Başûrê kurdistanê jî hema hema rojane ye.
Têkildarî zêdebûna rêjeya tûndiya li dijî jinan û sedemên wê çalakvan Beyan Mihemed û Nesrîn Tenya axivîn.
Çalakvan Beyan Mihemed da zanîn ku li Başûrê Kurdistanê jin di rewşek gelek aloz de ne û got:
Bi taybetî niha ku rewşek ne aram ya aborî li holê ye, ev rewş yek ji sedemên sereke yên pêkanîna tûndiya li dijî jina ye.”
Têkildarî giringî û bandora rêxistinên jinan ên ji bo pêşîlêgirtina tundiyê jî Beyan got:
Raste rêxistinên jinan ne di asta bendewariyên civakê de ne, lê karên baş jî ji bo kêmkirina bûyerên kuştinên jinan kirine.
Sedemê sereke yê kuştina jinan hikûmete.
Ji berku dema jinek tê kuştin yasa ne serwere û nayên bicihanîn.”
“DIVÊ JIN HERTIM ŞIYAR BIN Û LI BERAMBERÎ ERK Û MAFÊN XWE ZANABIN”
Çalakvan Nesrîn Tenya jî li ser zêdebûna bûyerên tûndiya li dijî jinan axivî û wiha anî ziman:
Zêdebûna tûndiya li dijî jinan bi hişmendiya zilamsalarî ve girêdaye ku li Rojhilata Navîn serdeste.
Ji ber vê hişmendiyê jin tên kuştin yan jî neçar dikin ku xwe bikujin.”
Nesrîn Tenya her dawî bang li jinan ku her tim şiyar bin û li beramberî erk û mafên xwe zanabin.
