Serokê Amerîkayê Joe Biden helwestên serokwezîrê Îsraîlê Benjamin Netanyahu rexne dike û diyar dike ku di mijara Xezayê de xeletiyê dike.
Her wiha Joe Biden banga agirbestê kir da ku alîkariyên mirovî bigihêjin heremê.
Li aliyê din jî Îngîlîstanê eşkere kir ku ew firotina çekan bo Îsraîlê ranewestînin.
Derbarê vê yekê de serokwezîrê Îngîlîstanê Rishi Sunak axivî û got: “Heta niha ti hevalbendên me yên herî nêz lîsansa xwe ya çekan nedaye sekinandin.
Ji ber vê yekê em bi mutefîkên xwe re van mijaran nîqaş dikin.”
Serokê Amerîkayê Joe Biden anî ziman ku serokwezîrê Îsraîlê Benjamin Netanyahu di helwesta xwe ya li hember Xezayê de “şaşiyek” kir.
Biden di hevpeyvîna xwe ya beriya hefteyekê de û duh hat weşandin de der barê Netanyahu de got:
Mizgin
“Li gorî min ya ku wî kir xelet bû. Ez bi nêzîkatiya wî napejirînim.”
Biden diyar kir ku divê Xeza di nav şeş-heşt hefteyên pêş de xwe bigihîne hemû xwarin û dermanan.
Joe Biden hişyarî da ku berdewamiya piştevaniya Amerîkayê ji şer re girêdayî ye ku Îsraîlê destûr bide ku bêtir xwarin û derman bikeve hundir.
Biden got, “Ez bang li Îsraîliyan dikim ku banga agirbestê bikin û di nava 6-8 hefteyên pêş de hemû xwarin û dermanên ku dikevin welêt bi tevahî bigihîjin.”
Îngilîstanê dê ji bo Îsraîlê firotina çekan bidomîne
Îngîlîstanê di salên borî de du caran lîsansên firotina çekan ji Îsraîlê re rawestandibû, lê serokwezîr Rishi Sunak heta niha bangên ji bo dubarekirina vê yekê red kiribû.
Cameron di civîna çapemenîyê ya digel hempîşeyê xwe yê Amerîkî Anthony Blinken di serdana xwe ya Washingtonê de got:
“Fikarên me yên derbarê alîkariya mirovî ya ji bo Xezayê re dewam dikin.
Lê ji alîyê din ve heta niha ti welatekî hevalbend peymanên heyî yên hinardekirina çekan bi Îsraîlê re ranewestandiye.”
Sunak destnîşan kir ku polîtîka û pêvajoyên Londonê yên derbarê îxracata çekan da xwedî dîrokeke dûr û dirêj e û ev pêvajo bi awayekî periyodîk tên ber çavan.
Sûnak danê sibê di hevpeyvîna xwe ya bi LBC’yê re got,
“Îngîlîstanê di derbarê rejîma îxracata çekan de xwedî pêvajoyeke baş e û ev mijar tên nirxandin.”
Sunak destnîşan kir ku Îngiltere wê bi biryariya xwe ya nefirotana çekan a ji bo Îsraîlê ranewestîne bi hişkî tev bigere û got,
“Rast e, heta niha ti hevalbendên me yên herî nêz lîsansa xwe ya çekan nedaye sekinandin.
Ji ber vê yekê em bi mutefîkên xwe re van mijaran nîqaş dikin.”
Hikumeta Ingîlîstanê bi zextên mezin re rû bi rû ye
Hikûmeta Sunak ji bo rawestandina hinartina çekan ji bo Îsraîlê re rû bi rû ye piştî kuştina xebatkarên rêxistina alîkariyê ya navneteweyî World Central Kitchen (world sentral kîtçin) ku di nav wan de sê kesên Îngîlîz jî hene.
Rêxistinên mafên mirovan û rêxistinên serbixwe rexne li Îngîlîstanê dikin ku “şirîkê sûcên şer ên Îsraîlê ye”
Zêdetirî 600 parêzer û akademîsyen, di nav wan de 3 dadwerên berê yên Dadgeha Bilind hişyarî dabûn ku “Îngîlîstanê bi berdewamkirina çekdarkirina Îsraîlê hiqûqa navneteweyî binpê dike.”
